पूर्वाञ्चल खबर
विराटनगर / सञ्चार क्षेत्रमा कार्यरत तीन जना पत्रकारहरु आज विराटनगरमा पुरस्कृत भएका छन् । पुरस्कृत हुने पत्रकारहरुमा गजेन्द्र बुढाथोकी, देवनारायण साह र उमा पोखरेल छन् ।
पत्रकार ओमप्रकाश गोयल आर्थिक पत्रकारित पुरस्कार ५१ हजारबाट बुुढाथोकी , मेम्वर चन्द्रलाल –दुर्गादेवी दाहाल सञ्चार श्रमजीवी पुरस्कार २१ हजारबाट साह र मीन श्रेष्ठ परिश्रमी महिला पत्रकारिता पुरस्कार १० बाट पोखरेल पुरस्कृत भएका छन् ।
सञ्चारकर्मी सञ्चार सहकारी संस्था लिमिटेडको आठौँ स्थापना दिवसको अवसरमा उनीहरुलाई पुरस्कृत गरिएको हो । पुरस्कृत हुने सवैलाई प्रदेश १ का आन्तरिक मामिला तथा कानूनमन्त्री हिक्मतकुमार कार्की, प्रदेश १ का सांसद जयराम यादव र सञ्चारकर्मी सञ्चार सहकारी संस्थाका अध्यक्ष मोहन भण्डारीले वितरण गरिएको छ ।
