अपाङ्ग भएका १३ जनालाई ह्वील चियर वितरण

खबर पूर्वाञ्चल, ७ श्रावण २०७८, बिहीबार १८:२४

विराटनगर / अपाङ्गहरुलाई सहजरुपमा दैनिक जिवनको कार्य गर्नका लागि आज विराटनगरमा ह्वील चियर वितरण गरिएको छ ।

सामर्थ समाज नेपाल र समन्वयद्वारा आयोजित अपाङ्गता भएका व्यक्त्तिहरुको सवालमा जनप्रतिनिधिहरु र सरोकारवाला निकायहरुले खेल्नु पर्ने भूमिका विषयक अन्तरक्रिया तथा सहायक सामाग्री वितरण कार्यक्रममा विराटनगर–१२ देखि १८ नं वडासम्मका दक्षिण भेगका १३ जनालाई उक्त्त समाग्री वितरण गरिएको हो ।

विराटनगर महानगरपालिकाका प्रमुख भीम पराजुलीले समाग्री वितरण गर्दै नगरले सबै सार्वजनिक भवन निर्माणका लागि घरनक्सा पासका लागि अनिवार्य रुपमा ‘अपाङ्ग मैत्री’ हुनुपर्ने नीति बनाएको जानकारी दिए । उनले महानगरले करुणा फाउण्डेशनको सहयोगमा अपाङगहरुलाई स्वरोजगार बनाउन विऊ पूँजी, शीपमूलक तालीम लगायतका कार्य गरिरहेको समेत बताए ।

सामर्थ समाजका अध्यक्ष चेतनाथ पोखरेल र राष्ट्रिय अपाङग महासङ्घ प्रदेश अध्यक्ष पार्वता श्रेष्ठ लगायतले अपाङग व्यक्तिहरुलाई सहज जीवन जीउनका लागि जनप्रतिनिधिहरुले महत्वपूर्ण भूमिका खेल्नु पर्नेमा जोड दिए ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५