राष्ट्रिय अपाङ्ग महासंघको महाधिवेशन भोलीदेखि विराटनगरमा शुरु हुँदै

खबर पूर्वाञ्चल, २४ चैत्र २०७५, आईतवार २१:४३

विराटनगर / राष्ट्रिय अपाङ्ग महासंघको आठौं राष्ट्रिय महाधिवेशन भोलीदेखि विराटनगरमा शुरु हुँदैछ ।

विराटनगरको जैन भवनमा हुने ८ औं राष्ट्रिय महाधिवेशन तथा १९ औं बार्षिक साधारणसभामा ७७ वटै जिल्लाका ६ सय ३१ जना प्रतिनिधि विराटनगर आईपुगेका छन् । दुई दिनसम्म चल्ने महाधिवेशनले ४३ सदस्यीय केन्द्रीय समिति चयन गर्ने छ । तीन बर्षे कार्यकालका लागि अध्यक्षमा दलगत उम्मेद्धवारी दिने भएका छन् । नेकपाबाट विराटनगरका राम कार्की र मित्रलाल शर्मा तथा नेपाली काँग्रेसबाट गणेश केसीले उम्मेदवारी दिने बुझिएको छ ।

अधिकारवादी संस्थामा दलगत प्रतिष्पर्धा हुने देखिएपछि अपाङ्गता भएका व्यक्तिहरुले गुनासो गरेका छन् । उनीहरुले सर्वसम्मत नेतृत्व चयनका लागि दवाव दिने बुझिएको छ । महाधिवेशनमा मतदानका लागि सवैखाले अपाङ्गता भएका व्यक्तिहरुलाई हुनेगरि विद्युतिय भोटिङ मेसिनको व्यवस्था गरिएको राष्ट्रिय अपाङ्ग महासंघ प्रदेश नं. १ का कार्यक्रम संयोजक विमल वस्नेतले बताए । भोलीदेखि विराटनगरमा महाधिवेशन शुरु हुने भएपनि विराटनगरको सडकका कारण धेरै अपाङ्गता भएका व्यक्तिहरुलाई महाधिवेशन स्थलसम्म पुग्न समस्या भएको छ ।

वीरेन्द्र सभा गृहमा गर्ने तय भएपनि शौचालय र भौतिकक संरचना अपाङ्ग मैत्री नभएपछि जैन भवनमा सारिएको कार्यक्रम संयोजक वस्नेतले बताए । महाधिवेशन प्रदेश नं. १ का मुख्यमन्त्री शेरधन राईले उद्घाटन गर्ने कार्यक्रम रहेको छ ।

तपाईको प्रतिक्रिया

lordbuddha academy
GREENLAND
ARNIKO
EVREST
KVM
budhanilakanth
kantipur
SAGARMATHA-2075
ORCHID
greded

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – रमेश अधिकारी
सुचना तथा प्रसारण विभाग दर्ता नं. ०७५७/०७४/७५