animated ellipse animated ellipse

कोशी प्रदेशको स्वास्थ्य सेवा सङ्घ भन्दा उत्कृष्ट बनाउन स्वास्थ्यकर्मीलाई मुख्यमन्त्री कार्कीको आग्रह

KhabarPurwanchal-Logo

खबर पूर्वाञ्चल

२० आश्विन २०८१, आईतवार १७:२९
99
Shares
विराटनगर / कोशी प्रदेशका मुख्यमन्त्री हिक्मतकुमार कार्कीले मानव जीवनसंग प्रत्यक्ष जोडिएको  स्वास्थ्य सेवामा स्वास्यकर्मीहरु सम्वेदनशील  हुन आवश्यक रहेको बताएका छन् ।
प्रदेश स्वास्थ्य मन्त्रालयले आर्थिक वर्ष २०८० ÷८१ मा सञ्चालित स्वास्थ्य कार्यक्रमहरुको तीन दिने प्रदेशस्तरीय एकीकृत वार्षिक समीक्षा गोष्ठीको आज उद्घाटन गर्दै उनले स्वास्थ्यकर्मीहरुले जनशक्तिको कमी, सीमित साधन स्रोतका वावजुत नागरिहरुलाई गुणस्तरीय स्वास्थ्य सेवा प्रदान गर्नु भएकोमा प्रशंसा व्यक्त्त गरे ।
स्वास्थ्य मन्त्री समेत रहेका मुख्यमन्त्री कार्कीले प्रदेशका स्वास्थ्य क्षेत्रमा आवश्यक साधन स्रोतको पूर्तिका लागि नीतिगत रुपमा बजेटको व्यवस्था  गर्ने प्रतिवद्धता व्यक्त गरे । उनले प्रदेश सरकारले जनशक्ति , बजेटको कमी, साधनस्रोतको अभाव, क्षेत्रअधिकारका  कारण सोच अनुसार स्वास्थ्य क्षेत्रमा कार्य गर्न नसकेको गुनासो समेत व्यक्त्त गरे ।
मुख्यमन्त्री कार्कीले प्रदेशको स्वास्थ्य सेवा क्षेत्रमा प्रतिस्पर्धामा सङ्घ भन्दा उत्कृष्ट बनाउन स्वास्थ्यकर्मीहरु लाग्नु पर्नेमा जोड दिए ।
मुख्यमन्त्री कार्कीले प्रदेशको स्वास्थ्य क्षेत्रमा सुधार ल्याउन डा. महेन्द्र श्रेष्ठको  अध्यक्षतामा एक कार्यदल गठन गरेको जानकारी दिदै यसले दिएको सुझाब कार्यान्वयनले जनताले गुणस्तरीय र भरपर्दो स्वास्थ्य सेवा प्राप्त गर्ने विश्वास जनाए ।
स्वास्थ्य मन्त्रालयका कर्मचारहिरुको सरुवा, वढुवा र वृत्ति विकासलाई कार्यविधि बनाउन मापदण्ड अनुसार कानूनद्वारा निर्देशिल गर्ने प्रतिवद्धता समेत उनले व्यक्त गरे ।
स्वास्थ्य निर्देशनालय धनकुटाका प्रमुख ज्ञानबहादुर बस्नेत, जनस्वास्थय प्रशासन योगराज घिमिरेले गोष्ठीबाट प्राप्त सुझावले आगामी दिन प्रदेशको स्वास्थ्य क्षेत्रमा गुणस्तरीय सेवा प्रदानमा सहयोग पुग्ने बताए ।
गोष्ठीमा प्रदेशका १४ जिल्लाका मन्त्रालय अन्तर्गतका अस्पताल, नीजि अस्पताल,शिक्षण अस्पताल,आयुर्वेद कार्यालयहरुको सहभागिता रहेको छ

यो खबर पढेर तपाईलाई कस्तो महसुस भयो ?

फोटो फिचर