खबर पूर्वाञ्चल
साफ महिला च्याम्पियनसीपको उपाधिका लागि आज नेपालले र भारतसँग प्रतिस्पर्धा गदैृछ । प्रदेश नं १ सरकारले नेपालमा पहिलो पटक आयोजना भएको पाँचौ महिला साफ फुटबल प्रतियोगितामा नेपालले बिजयी प्राप्त गरेमा जनही रु दुई लाख पुरस्कार दिने घोषणा गरेको हो ।
मुख्यमन्त्री तथा मन्त्रिपरिषद्को कार्यालय प्रदेश नं १ को आज भएको निर्णयअनुसार सो पुरस्कार दिने घोषणा भएको मुख्यमन्त्रीका प्रेस सल्लाहकार धु्रव सुवेदीले जानकारी दिए । मन्त्रिपरिषद्को निर्णयअनुसार नेपाल समूह दोस्रो विजेता भएमा खेलाडीको हौसला प्रदान गर्न प्रोत्साहन स्वरुप जनही एक लाख प्रदान गर्ने निर्णय भएको छ ।
प्रदेशको अस्थायी राधजधानी विराटनगरमा फागुन २८ गतेबाट सुरु भएको प्रतियोगिताको फाइनल शुक्रबार दिउँसो ३ बजे सहिद रंगशालामा हुँदैछ। सन् २०१० बाट सुरु साफमा नेपाली टोली अहिलेसम्म चारपटक फाइनल पुगेको छ।
तपाईको प्रतिक्रिया