इप्रका सिजुवालाई मास्क र सेनिटाइजर वितरण

खबर पूर्वाञ्चल, २७ जेष्ठ २०७७, मंगलवार १९:२५

विराटनगर / नेपाल औषधी व्यवसायी संघ मोरङ शाखाले मोरङको इलका प्रहरी कार्यालय सिजुवालाई मेडिकल मास्क, सेनिटाइजर र पन्जा वितरण गरेको छ ।

संघका अध्यक्ष लक्ष्मी तिम्सिनाको नेतृत्वमा पुगेका पदाधिकारीहरूले इप्रका सिजुवाका प्रमुख प्रहरी निरीक्षक मोहन रायमाझीलाई मेडिकल मास्क, सेनिटाइजर र पन्जा वितरण गरेका हुन् ।

संघले यसअघि मोरङको चार वटा प्रहरीको युनिटलाई मेडिकल मास्क, सेनिटाइजर र पन्जा वितरण गरिसकेको नेपाल औषधी व्यवसायी संघ मोरङका उपाध्यक्ष तथा प्रवक्ता देशबन्धु ढकालले जानकारी दिए । यस अघि इप्रका बेलबारी, रङ्गेली, उर्लाबारी प्रहरी प्रमुखहरूलाई भेटेर सेनिटाइजर, माक्स र पन्जा वितरण गरिसकेको ढकालले बताए ।

सुरक्षामा खटिने प्रहरी युनिटलाई संघले १० लिटर सेनिटाइजर, मेडिकल मास्क र पन्जा बितरण गर्दै आएको छ । जनताको सुरक्षामा खटिने प्रहरीलाई संघले सामाजिक उत्तरदायित्व अन्र्तगत रहेर समाजिक कार्य अनुरूप स्वास्थ्य सामाग्री प्रदान गरिएको अध्यक्ष तिम्सिनाले बताए ।

संघले यसअघि पनि विभिन्न संघसंस्थालाई स्वास्थ्य सामाग्री प्रदान गरिसकेको छ । केही दिन अगाडी संघले उर्लाबारी नगरपालिका– ७ स्थित नमूना बाल गृहमा रहेका बालवालिकाहरूको लागि निःशुल्क स्वास्थ्य शिविर तथा स्वास्थ्य सामाग्री र खाद्यान्य वितरण गरेको थियो । यस्तै बुढीगंगा गाउँपालिका र विराटनगरमा रहेको विराटेश्वर वृद्धाआश्रम रहेका जेष्ठ नागरिकहरूलाई दिर्घरोगका औषधी, भिटामिन, स्वास्थ्य सामाग्री र खाद्यान्य वितरण गरिसकेको छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

KVM

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५