११ वटा नाटक मञ्चन

विराटनगर / अन्तर स्कूल नाटक उत्सव २०७५ अन्तरगत बिहिवार ११ वटा नाटक मञ्चन गरिएको छ । आरोहण गुरुकुल विराटनगरमा जारी नाटक उत्सवको सातौ दिन बिहिवार महाभारत आधारभूत विद्यालय लेटाङका विद्यार्थीले बारीको कुना, सिदार्थ शिसु सदन विराटनगरमा विद्यार्थीले दाइजो, राधिका माध्यमिक विद्यालयका विद्यार्थीले बालश्रम, यूरो किड्स नेपालका विद्यार्थीले आखिर किन् नाटक मञ्चन गरेका हुन् ।

त्यस्तै श्रीराधिका आधारभूम विद्यालय उर्लाबारीका विद्यार्थीले अध्यारोमा झटारो, बालमिकी बोर्डिङ स्कूल विराटनगरका विद्यार्थीले प्रभिनकी आमा, श्रीआधारभूत विद्यालय सुन्दरहैचाले पश्चताप, न्यू स्टार अंग्रेजी बोर्डिङ स्कूल रंगेलीले धनिरामको व्यथा, जनता नमुना माध्यमिक विद्यालयका विद्यार्थीले प्रविधिको सदुपयोग सनराइज अंग्रेजी स्कुल उर्लाबारीका विद्यार्थीले फेसबुक र मिनिल्याण्ड सकेन्डरी बोर्डिङ स्कूल रंगेलीका विद्यार्थीले सामाजिक सञ्जालका असरहरु नाटक मञ्चन गरेका थिए ।
नाटक प्रशिक्षक सुरभी सापकोटाले जानकारी दिए ।