खबर पूर्वाञ्चल
नेपाल होमियोपैथिक चिकित्सक संघको आयोजनामा भएको कार्यक्रममा होमियोपैथिक क्षेत्रको विकास र विस्तारमा सहयोग पु¥याउने मोरङ व्यापार संघका अध्यक्ष पवनकुमार सारडा, नेपाल महेश्वरी समाजका अध्यक्ष जुगलकिशोर राठी र होमियो पुस्तक लेखक योगेन्द्र दाहाललाई सम्मान गरिएको हो ।
कार्यक्रममा बोल्दै नेपाल होमियोपैथिक चिकित्सक संघका अध्यक्ष डाक्टर रविन्द्र रायले होमियोपैथिक स्वतन्त्र काउन्सील गठनको माग गरेका छन् । यस्तै केन्द्रीय स्तर, प्रदेश स्तर र जिल्ला स्तरीय होमियो अस्पताल स्थापनमा गर्नु पर्नेमा उनले जोड दिए ।
राष्ट्रिय स्वास्थ्य नीतिमा अन्य चिकित्सा पद्धति सरह होमियोपैथिक चिकित्सा पद्धतिलाई प्राथमिकता दिनुपर्ने उनको भनाई थियो । सरकारले होमियोपैथिक चिकित्सा पद्धतिमा ध्यान नदिएको उनको गुनासो थियो ।
कार्यक्रममा बोल्दै विराटनगर महानगरपालिकाका प्रमुख भीम पराजुलीले होमियोपैथिक अस्पताल निर्माणका लागि जग्गाको व्यवस्थापन महानगरपालिकाले गर्ने प्रतिबद्धता जनाएका छन् । कार्यक्रममा नेपाल होमियोपैथिक चिकित्सक संघका महासचिव डा.रवि राँय, कोषाध्यक्ष डा.सौरभ झा र मोरङ व्यापार सँघका अध्यक्ष पवन सारडालगायतले होमियोपैथिक औषधिले स्वास्थ्यमा पु¥याएको सकारात्मक पक्षको चर्चा गरेका थिए ।
