जोगवनीबाट आउने गाडी पल्टियो, १७ जना घाइते

खबर पूर्वाञ्चल, २२ जेष्ठ २०७४, सोमबार १६:५८
विराटनगर, २२ जेठ / जोगवनीबाट विराटनगर तर्फ आउँदै गरेको ना. १ ख ७५६ नम्बरको गाडी विराटनगरको एम.एम. प्लाष्टिक उद्योग अगाडी सोमबार दिउँसो पल्टिदा १७ जना यात्रु घाइते भएका छन् ।
घाइते भएका मध्धे १० जना गोल्डेन र ७ जना कोशी अञ्चल अस्पतालमा उपचार भइरहेको जिल्ला ट्राफिक प्रहरी कार्यालय मोरङका प्रमुख मदन गिरीले जानकारी दिए ।
घाइते मध्धे एकको अवस्था गम्भिर रहेको छ भने अन्यको अवस्था सामान्य रहेको प्रहरीको भनाई छ । ट्राफिक प्रमुख गिरीले भने, ‘विराटनगरबाट जोगवनी तर्फ जाँदै गरेको सिटी सफारीलाई जोगाउन खोज्दा गाडी पल्टिएको देखिन्छ । ’ सिटी सफारी र गाडी पूर्ण रुपमा छती भएको छ । गाडीको चालक फरार भएको हुनाले खोजी कार्य जारी रहेको बताइएको छ ।

तपाईको प्रतिक्रिया

खबर पुर्वान्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – रमेश अधिकारी
सुचना तथा प्रसारण विभाग दर्ता नं. ०७५७/०७४/७५