पूर्वाञ्चल खबर
अन्दाजी ३१–३२ वर्षीया पार्वती लिम्बूको शव घरबाट करिब एक किलोमिटर टाढाको जंगलमा हिजो साँझ फेला परेको हो ।
स्थानीयले अर्धनग्न अवस्थामा जंगलभित्र महिलाको शव देखेपछि प्रहरीलाई खबर गरेका थिए । मोरङ प्रहरी प्रमुख एसपी कवित कटवालका अनुसार लिम्बूको शव अर्धनग्न अवस्थामा फेला परेको छ । उनको शरीरको कम्मरमुनिको भागमा कपडा छैन । तर, शरीरमा बाहिरी चोटपटक नदेखिएको एसपी कटवालको भनाइ छ । घटनास्थलमा तत्काल शंकास्पद वस्तु पनि फेला नपरेको प्रहरीले जनाएको छ ।
विवाहित लिम्बूको पति–पत्नीबीच पटकपटक विवाद एवं झैझगडा हुने गरेको जानकारी स्थानीयले प्रहरीलाई दिएका छन् । यद्यपि, उक्त विवाद र उनको मृत्युबीच कुनै सम्बन्ध रहे–नरहेकोबारे प्रहरीले अनुसन्धान गरिरहेको छ ।
मृत्युको कारण खुल्न नसकेको र घटनाको अनुसन्धानका लागि फरेन्सिक चिकित्सकसहितको टोली घटनास्थलतर्फ पठाइएको एसपी कटवालले बताए । उनका अनुसार प्रहरीले घटनास्थललाई सुरक्षित राखेको छ । शवको परीक्षण तथा अनुसन्धानपछि मात्रै मृत्युको कारण र घटनाको वास्तविकता खुल्ने जानकारी कटवालले दिए ।
