पूर्वाञ्चल खबर
कोरोना सङ्क्रमण पुष्टि भएपछि होम आइसोलेसनमा बसेकी आमाको बुधबार वेलुका घरमै र छोराको आज दिउँसो कोशी अस्पताल कोभिड १९ उपचार केन्द्र विराटनगरमा मृत्यु भएको हो ।
कोशी अस्पताल कोभिड १९ उपचार केन्द्र केन्द्रका संयोजक बैजनाथ साहका अनुसार सुनसरी इनरुवा नगरपालिका–३ घर भएका ६५ वर्षीय पुरुषको आज दिउँसो साढे १ बजे मृत्यु भएको हो । सङ्क्रमित पुरुषको उपचारका क्रममा मुटु र श्वासप्रश्वासको समस्या जटिल बन्दै गएपछि मृत्यु भएको अस्पतालले जनाएको छ ।
बुधबार वृद्धाको मृत्यु भएको थियो । सोही दिन ६५ वर्षीय छोरालाई अस्पताल भर्ना गरिएको थियो ।
इनरूवा नगरपालिका वडा नम्बर ३ का अध्यक्ष कालुराम गुरुङका अनुसार नोबेल मेडिकल कलेजमा पीसीआर जाँच गर्दा ८४ वर्षीय वृद्धासँगै परिवारका अन्य ५ जनामा कोरोना पोजेटिभ देखिएको छ । उनीहरु होम आइसोलेसनमा रहेको इनरुवा नगरपालिकाले जनाएको छ ।
