पूर्वाञ्चल खबर
कक्षा सञ्चालनका लागि १२ बुँदे प्रस्तावित कार्यविधि आज सामाजिक विकास मन्त्री जीवन घिमिरेलाई हिसानले हस्तान्तरण गरेको छ । हिसान मोरङका अध्यक्ष राजेश कार्कीले असोज १ गतेदेखि कक्षा ६ सम्मको कक्षा सञ्चालनका लागि राज्यले निर्धारण गरेको सुरक्षा सावधानी पूर्णरुपले पालना गरिने वताए । उनले थर्मल गन, सेनिटाईजर, सावुन पानी, मास्क, एक वेन्च एक विद्यार्थी, अनिवार्य विषयको मात्र कक्षा बढीमा ३ घण्टा हुने बताए । कक्षा सञ्चालन गर्दा दुई सिफ्टकावीचमा अनिवार्य सेनिटाईजर गरिने उनले बताए ।
कक्षा सञ्चालन बाहेक विद्यालय÷कलेजले क्यान्टिन सञ्चालन नगर्ने, ब्रेक नगर्ने, सेक्सन अनुसारको शैचालयको फरक व्यवस्था गरिने प्रस्तावित कार्यविधिमा उल्लेख छ । हिसान अध्यक्ष कार्कीले विद्यार्थी सिधा कक्षा आउने र कक्षा सकिएपछि सिधा घर जाने गरिको नियम पालना गरिने बताए । विद्यालयले कक्षा सञ्चालनका समयमा स्वास्थ्य प्राविधिक राख्ने गरिको कार्यविधि बनाईएको उनले बताए । कक्षा प्रवेशका लागि पनि फरक फरक बाटोको प्रयोग गरिने तयारी गरिएको छ । मार्किङका आधारमा फरक–फरक बाटोबाट कक्षा प्रवेश गराईने कार्कीले बताए ।
चार महिनादेखिको लकडाउनका कारण विराटनगर भित्रका २ सय ५० निजी शिक्षण संस्था बन्द हुँदा १० हजार बढी शिक्षक, कर्मचारी, सवारी चालक, अप्रत्यक्ष रोजगारी पाएका हजारौंको समूह समस्या परेपछि कक्षा सञ्चालनका लागि प्रदेश सरकार समक्ष कार्यविधि प्रस्तुत गरिएको हिसान मोरङका वरिष्ट उपाध्यक्ष अमित ढकालले बताए ।
