पूर्वाञ्चल खबर
झापा / नेत्रविक्रम चन्द विप्लव समूहको झापा मेचीनगर इञ्चार्ज यामकुमार गिरी पक्राउ परेका छन् ।
झापाको शिवसताक्षी नगरपालिका ४ पाँचगाछीका बास्न्दिा गिरीलाई सहारा नेपाल बचत तथा ऋण सहकारी संस्था विर्तामोडको निर्माणाधीन भवनमा बम बिस्फोट गराएको आरोपमा प्रहरीले पक्राउ गरेको हो ।
गत भदौ २३ गते उक्त सहकारीको निर्माणाधीन भवनमा बिस्फोट भएको थियो । बम बिस्फोट गराउने समूहको खोजी क्रममा गिरीलाई पक्राउ गरिएको प्रहरीले जनाएको छ । गिरीलाई काठमाडौंमा आज पक्राउ गरी झापा ल्याइएको छ ।
