विश्व किर्तीमानधारी कुशल भुर्तेल आइसीसीको प्लेअर अफ दि मन्थ अवार्डको लागि मनोनित

खबर पूर्वाञ्चल, २२ बैशाख २०७८, बुधबार ११:५६
Nepal's cricketer Paras Khadka plays a shot during the one day international (ODI) cricket match of the ICC Cricket World Cup League 2 against Nepal at the Tribhuwan University International Cricket Ground, in Kathmandu on February 12, 2020. - The United States were bowled out for 35 by Nepal on Wednesday and joined Zimbabwe in making the lowest total in a 50 over international. (Photo by Kaushal ADHIKARI / AFP) (Photo by KAUSHAL ADHIKARI/AFP via Getty Images)

विराटनगर / टि– २० क्रिकेटमा विश्व किर्तीमान राखेका नेपाली राष्ट्रिय क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद (आइसीसी)को प्लेअर अफ दि मन्थ अवार्डको लागि मनोनयनमा परेका छन् ।

यही वैशाख ४ देखि ११ गतेसम्म टीयू मैदानमा भएको त्रिकोणात्मक टी–२० सिरिजमा नेपालले उपाधि जित्दा कुशलले सर्वाधिक २ सय ७८ रन बनाएका थिए ।

उनले टी–२० डेब्युमै नेदरल्याण्ड्सविरुद्ध अर्धशतक प्रहार गरेका थिए भने लगातार तीन अर्धशतक प्रहार गर्दै विश्वकीर्तिमान बनाएका थिए । सिरिजमा चार अर्धशतक प्रहार गरेका उनी प्लेअर अफ दि सिरिज भए ।

आइसीसीले अप्रिल महिनाको लागि प्लेअर अफ दि मन्थको नोमिनेसनमा पुरुषतर्फ पाकिस्तानका दुई खेलाडी बाबर आजम र फखर जमानसँगै कुशललाई पनि मनोनयनमा राखेको हो ।

यस्तै उनले अर्का ओपनर आसिफ शेखसँग लगातार २ खेलमा शतकीय साझेदारी गर्दै अर्को विश्व कीर्तिमान पनि बनाएका थिए । २४ वर्षीय भुर्तेल अहिले नेपाली क्रकेटमा चर्चामा छन् । उनले यसका लागि धेरै अघिदेखि मिहिनेत गरेको र अहिले त्यसको फल प्राप्त भएको बताएका थिए ।

सिरिजमा गरेको प्रदर्शनका आधारमा कुशल पहिलो पटक आइसीसीको टी–२० वरीयतामा पर्दै ९३ औं स्थानमा समावेश भएका थिए । त्यसपछि अपडेट भएको वरीयतामा उनी ६१औं स्थानमा उक्लेका छन् ।

यस्तै पाकिस्तानका बाबर आजमले दक्षिण अफ्रीका विरुद्ध एकदिवसीय सिरिजमा उत्कृष्ट प्रदर्शन गर्दै २ सय २८ रन बनाएका थिए । सोहि प्रदर्शनको आधारमा उनी विराट कोहलीलाई पछि पार्दै आइसीसीको नम्वर वान ओडीआई ब्याट्सम्यान बनेका थिए ।

यस्तै फखर जमानले दक्षिण अफ्रीका विरुद्ध एकदिवसीय सिरिजमा ३ सय २ रन बनाएका थिए । उनले सिरिजमा दुई शतक समेत बनाए । जस क्रममा उनले दोस्रो एकदिवसीयमा १ सय ९३ रन प्रहार गरेका थिए ।

मनोनयनमा परेका कुशललाई भोटिङ गर्न सकिनेछ । उनलाई भोट गर्नका लागि आईसीसीको वेबसाइटमा गएर आफ्नो नाम र इमेल रजिस्टर गर्नुपर्नेछ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

pabson Brt

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५