पूर्वाञ्चल खबर
विराटनगर / विराटनगरस्थित गे्रडेड बोर्डिङ स्कूलमा ‘ग्रेडेड स्पोर्ट्स मिट २०७५’ सुरु भएको छ । स्कूलले आज एक कार्यक्रमको आयोजना गरि दुई दिने स्पोर्टस् मिट सुरु गरेको हो ।
मंगलबारसम्म संचालन हुने स्पोर्ट्स मिटमा एक दर्जन बढी खेलहरू समावेश गरिएको छ । स्पोर्ट्स मिटमा दौड, ज्याभ्लीङ थ्रो, भलिबल, फुटबल, स्पोन रेस, सटपुट, कवडी, शु रेस, टेवलटेनिसलगायतको खेलहरू संचालान छ । उक्त स्पोर्ट्स मिटमा नर्सरीदेखि कक्षा १० सम्मका ६ सय विद्यर्थीहरूले भाग लिएको स्कूलका प्रिन्सिपल प्रेमलालसिंह सुवालले जानकारी दिए ।
विद्यार्थीहरूमा भएको प्रतिभा उजागर गर्ने उद्देश्यले स्कूलले प्रत्येक वर्ष यस्तो गतिविधिहरू गर्दै आएको प्रिन्सिपल सुवालले बताए । स्पोर्ट्स मिटको बिजेताहरूले आकर्षक ट्रफि तथा प्रमाणपत्र प्राप्त गर्नेछन् । स्कूलका विद्यार्थीहरूले स्पोर्टस मिट उद्घाटन हुनु अघि ¥याली समेत निकालेका थिए ।
