पूर्वाञ्चल खबर
८२ बर्षीय अधिकारीलाई जेष्ठ नागरिक सम्मानसहितल आज गृह नगर विराटनगरस्थित विरेन्द्रसभा गृहमा भव्य कार्यक्रम आयोजना गरि नागरिक अभिन्नदन गरिएको हो ।
पूर्वमन्त्री अधिकारी मोरङबाटै २०४८, २०५१ र २०५६ मा प्रतिनिधिसभा सदस्यमा निर्वाचित भएका थिए । नेपाली कम्यूनिष्ट आन्दोलनमा १६ वर्षको उमेरदेखि लागेका अधिकारी ६० वर्षभन्दा बढी क्रियाशिल रहे । नागरिक सम्मान तथा अभिनन्दन भएका पूर्व उपप्रधानमन्त्री अधिकारीले आफ्नो राजनीति र कर्मभूमि विराटनगरमा सम्मानित हुन पाउँदा उमेरको हद बिर्सन पुगेको बताए ।
पूर्व उपप्रधानमन्त्री अधिकारीले सम्पूर्ण पूर्वाधार भएकोले विराटनगरलाई सहमतीको आधारमा स्थायी राजधानी वनाउनु अविलम्व एउटा निर्णय गर्न प्रदेश सरकारलाई आग्रह समेत गरे । उनले यस क्षेत्रको विकास विगतमा आफूले सक्दो सहयोग गरेको स्मरण गराउदै मोरङको वक्राकामा पुल, कटहरी –वरडङगा , उर्लावारी –वरडङगासम्मको कालोपत्र सडक निर्माण , एकिकृत भन्सार विन्दु निर्माण प्रस्ताव, भारत, चीन नेपाल त्रिदेशीय सम्वन्ध जोडने कोशी राजमार्ग आदीलगायतका विभिन्न विकास निर्माण कार्यक्रम ल्याएको चर्चा समेत गरे ।
कार्यक्रममा प्रमुख अथिती प्रदेश प्रमुख प्रा.डा.गोविन्दवहादुर तुम्वाहाङले नेपालको मुहार फेर्ने राजनीतिक दिशा र कार्यक्रम ल्याउन सफल भएका नेतालाई ज्येष्ठ मात्रै नभई सर्वोकृष्ट सम्मानले अनिनन्दन गर्दा पनि कम हुने बताए । अधिकारी सिद्धान्त निष्ट र इमान्दार नेता भएको डा. तुम्वाहाङले चर्चा गर्दै अधिकारीले नेकपा एमाले गठनमा महत्पूर्ण भूमिका ओगटनुका साथै स्वच्छ छवि भएका राजनीतिक मार्ग दिशा निर्देशनयुक्त नेता भएको बताए ।
।
प्रदेशका मुख्यमन्त्री शेरधन राईले असल संस्कार र संस्कृतिको थालनी गरेर नेपालीको मनमनमा बस्न सफल नेताहरुमध्येका एक अधिकारी राजनीतिक प्रेरणाको अभिभावक भएको बताए । मुख्यमन्त्री राईले अधिकारी नेपालको वाम, लोकतान्त्रिक आन्दोलनमा उल्लेखनी भूमिका योगदान गर्नु भएको चर्चा गर्दै नेपालको संविधान निर्माण उहाँले महत्वपूर्ण योगदान रहेको वताए । उनले सवैको एकताको प्रयासवाट अभिनन्दन कार्यमा उचित व्यक्तित्व चयन गरेकोमा समितिको प्रशंसा गर्दै यस प्रकारको एकतावाट समृद्ध प्रदेश वनाउन कार्यमा कोषेढुंगा सावित हुने विचार व्यक्त गरे ।
प्रदेश १ का सामाजिक विकास मन्त्री जीवन घिमिरेले नेपालको राजनीतिमा अवकाश लिने संस्कार विकास गर्ने र आफ्नो सिर्जना प्रति जिम्मेवारीपूर्वक कार्य गर्ने अधिकारीको प्रशंसा गरे ।
विराटनगर महानगरपालिकाका प्रमुख भीम पराजुलीले अधिकारी पार्टी र व्यक्तिको स्वार्थ भन्दा माथि हुनुहुन्छ भन्दै यस क्षेत्रको विकास र समृद्धमा चासो र चिन्ता मनन योग्य रहेको वताए ।
नागरिक अभिनन्दन समितिका अध्यक्ष डा. भेषप्रसाद धमलाको सभापतित्वमा भएको उक्त कार्यक्रममा संघीय सांसद मुकुन्द न्यौपाने, मोरङ व्यापार संघका अध्यक्ष पवन सारडा, जेष्ठ नागरिक रमाप्रसाद रिजाल, समितिका सचिव सुवाषश्री पोखरेल,कृष्ण पोखरेल र रमेशचन्द्र पौडेलले अभिनन्दित व्यक्तित्व अधिकारी राजनीतिक यात्रा, उहाँले गर्नु भएको योगदानको बारैमा चर्चा गरे ।
साथै प्रदेश नं १ का चार सय सामाजिक संघसस्थाहरुले संयुक्त रुपमा अधिकारीको अभिनन्दित गरका छन । विस १९९३ महोत्तरीको भ्रमणपुरामा सुव्वा रामचन्द्र र पूर्णकुमारीको कान्छो छोराको रुपमा जन्मेका अधिकारीको शिक्षा विराटनगरको आदर्श विद्यालयमा र उच्च शिक्षा भारतको वनारस हिन्दू विश्वविद्यालय र त्रिभुवन विवविद्यालय भएको थियो । सन् १९५२ देखि १६ वर्षको उमेरदेखि उनीँ राजनीतिकमा लागेका थिए ।
