पूर्वाञ्चल खबर
आईपीएलमा दिल्लीबाट खेल्दा १ महिनामै नेपाली ३२ लाख रुपैयाँ कमाएका सन्दीपले त्सपछि वेस्ट इण्डिजमा भएको क्यारवियन प्रिमियर लिगबाट ५ लाख ७५ हजार नेपाली रुपैयाँ कमाए । तर आधा गेममात्र खेलेर फर्केको कारण आधा रकमा मात्र पाएको उनी निकट ब्यक्तिहरुको भनाई छ ।
यस्तै क्यानेडियन प्रिमियर लिगमा उनी ४६ लाख ४० हजार नेपाली रुपैयाँमा आबद्ध भएका थिए । अब छिट्टै हुन लागेके अफगान प्रिमियर लिगमा उनी १७ लाख ४० हजार रुपैयाँमा आबद्ध हुदैँछन् । यो सबै जोड्दा उनको कमाई १ करोडभन्दा माथि पुग्छ । उनले पाएको सम्मान, पुरस्कार, बिज्ञापन र राष्ट्रिय टोलीबाट पाउने तलब सुविधा यसमा जोडिएको छैन ।
नेपालमा उनी जेभियर इंटरनेशनल कलेज, सानिमा बैंकसँगै दुई तीनओटा अरु कम्पनीको ब्राण्ड एम्बेस्डर समेत छन् । सानिमाले २ बर्षको लागि ९ लाख ६० हजार रुपैयाँमा सम्झौता गरेको छ । राष्ट्रिय टिमबाट मासिक ३५ हजार तलब पाउने उनलाई टाटा मोटरले २५ लाखको गाडी पुरस्कार दिएको छ । आजको नयाँ पत्रिका दैनिकमा यो समाचार छ ।
