पूर्वाञ्चल खबर
भारतले दूतावासको सम्पर्क कार्यालय अगस्ट १ देखि बन्द गर्ने भनेको सम्पर्क कार्यालय संचालन गरेर नेपाललाई फेरि झुक्याएको छ । काठमाडौंस्थित दूताबासबाटै सवै काम हुने जनाएको थियो । तर कार्यालय आज पनि संचालन भइरहेको छ ।
कार्यालयमा कर्मचारीको चहलपहल पहिले जस्तै छ । सेवा बन्द गरिएको कार्यालयमा राखिएको भारतीय झण्डा पनि हटाइएको छैन । भारतीय प्रधानमन्त्री नरेन्द्र मोदीको नेपाल भ्रमणमा सम्पर्क कार्यालय बन्द गर्ने सहमति भएको थियो । सप्तकोशीको बाँध फुटेपछि नेपाली गाडीलाई रुट अनुमति प्रदान गर्न स्थापना भएको सम्पर्क कार्यालय प्रयोजन सकिएपछि पनि अनावश्यक रुपमा बसिरेहेको छ ।
