खबर पूर्वाञ्चल
बेलका नगरपालिका–६ स्थित मूर्ति खोला किनारमा बेवारिसे अवस्थामा रहेको ८ सय ९१ किलो ४ सय २३ ग्राम गाँजा बरामद भएको कोशी प्रदेश प्रहरी प्रवक्ता एसएसपी भीमबहादुर दाहालले बताए । उनका अनुसार विशेष सूचनाका आधारमा शनिबार जिल्ला प्रहरी कार्यालय उदयपुर र इलाका प्रहरी कार्यालय रामपुर ठोकशीलाबाट खटिएको टोलीले ३९ वटा बोरामा ‘प्याक’ गरेर लुकाइछिपाइ राखिएको अवस्थामा गाँजा फेला पारेको थियो ।
बरामद भएको गाँजा प्रहरीले इलाका प्रहरी कार्यालय रामपुर ठोकशीलामा राखेको छ । गाँजा कसले लुकाएर राखेको हो भन्ने यकिन छैन । एसएसपी दाहालका अनुसार गाँजा ओसारपसारमा संलग्न खोजतलास भइरहेको छ ।
