खबर पूर्वाञ्चल
करवृद्धीको विरोधमा नेपाली कांग्रेसको अन्दोलन थालेको हो । कांग्रेसको अगुवाइमा भइरहेको आन्दोलन थप उग्र बन्दै गएको हो । आन्दोलनकारीले प्रदर्शन गर्दै आज रंगेली बजार र यातायात बन्द गराएका छन् । मुख्य सडकमा रोक लगाइएपछि प्रहरीले भित्री सडकबाट सवारीसाधन संचालन गराएको छ ।
आन्दोलनका कारण नगरपालिकाको काम काज ठप्प भएको छ । आन्दोलनकारीहरुले आज बजार र यातायात समेत बन्द गरेका छन् ।
आन्दोलनकारीले आज विहान कर्मचारीमाथि हातपात एवं दुर्व्यवहार गरेका छन् । रङेली नगरपालिकाका प्रवक्ता ढकप्रसाद आचार्यले आन्दोलनकारी नगरपालिका गेटमा बसेर कर्मचारीलाई कार्यालय प्रवेशमा अवरोध गरेको बताउनुभयो ।
त्यस क्रममा १ जनालाई नियन्त्रणमा लिएको प्रहरीले जनाएको छ । रङ्गेली नगरपालिकाले विभिन्न शीर्षकमा कर वृद्धि गरेपछि आन्दोलन सुरु भएको हो । आन्दोलनमा ऐक्यबद्धता जनाउन विराटनगर महानगरपालिकाका मेयर नागेश कोइरालासमेत गत बुधवार पुगेका थिए ।
धनपालथान गाउँपालिकाका अध्यक्ष जीवछप्रसाद गच्छदार पनि बिहीबार आन्दोलनमा साथ दिन पुगेका थिए। एक पालिकाका प्रमुख अर्को पालिकामा गएर अन्दोलन गर्न थाले पनि विवादित बन्दै गएका छन् ।
