खबर पूर्वाञ्चल
हिमालय कलेजले आज विहान एक कार्यक्रमको बीच आस्मा र सपनालाई नगदहित सम्मान गरेको हो ।
शुक्रबार प्रकाशित भएको नतिजा अनुसार आस्माले विआइएम तेस्रो सेमिस्टरको परीक्षामा ४ जिपिए ल्याएर नेपाल टप गरेकी छिन् भने यस्तै सपनाले ३.९४ जिपिए ल्याएर कोशी प्रदेश टप गरेको कलेजले दाबी गरेको छ । टप गर्ने दुवै विद्यार्थीले प्लसटु विराटनगरस्थित शिक्षादीप कलेजबाट गरेर हिमालय दर्शनमा विआइएम पढदै आएका हुन् । उनीहरुले पहिलो र दोस्रो सेमिस्टरमा पनि उत्कृष्ट नतिजा ल्याएर उत्तिर्ण भएका थिए ।
नेपाल टप गर्ने छात्रा आस्मालाई नगद २१ हजार र कोशी प्रदेश टप गर्ने सपनालाई कलेजले नगद ५ हजार १ सय रुपैयाँसहित सम्मान गरेको गरेको थियो । आस्माको वुवा विरेन्द्रराज तुलाधार र सपनाको अभिभावक रुपेश झालाई पनि सम्मान गरियो । उनीहरूलाइ कलेज प्रमुख भरत सापकोटा, संस्थापक निर्देशकहरु शैलेन्द्रराज शिवाकोटी, ज्ञानबहादुर खड्का, भेषराज पोखरेललगायतले सम्मान गरेका थिए ।
कार्यक्रममा बोल्दै आस्माले मेहनतको कारणले आज आएर सफलता पाएको बताइन् । कलेजका शिक्षकहरुले दिएको गुणस्तरीय शिक्षा व्यवर्हारमा उतारेको कारणले आज सफलता मिलेको उनले बताइन् । यो सफलताको श्रेय शिक्षक र अभिभावकहरुलाई दिने उनले बताइन् ।
कार्यक्रममा कलेज प्रमुख भरत सापकोटाले गुणस्तरीय शिक्षामा हिमालय दर्शन कलेजले कुनै पनि कसुर बाँकी नराखेको बताए । गुणस्तरीय शिक्षा सँगै रोजगारमुलक शिक्षा दिन हिमालय दर्शन कलेज अगाडी रहेको उनले बताए ।
कार्यक्रममा कलेजका संस्थापक निर्देशक शैलेन्द्रराज शिवाकोटीले विआइएममा नेपाल टप र कोशी प्रदेश टप गर्ने विद्यार्थीलाई सफलताको शुभकामना दिए ।
