हिसान स्पोर्टस् विकको आधिकारकि उद्घाटन मंगलबार, फुटबल खेल आजबाट शुरु

खबर पूर्वाञ्चल, ९ माघ २०७९, सोमबार १७:२३
450
Shares

विराटनगर / हिसान स्पोर्टस् मिटको ११ औं संस्करण औपचारिक उद्घाटन मंगलबारदेखि सुरु हुने भए पनि फुटबल खेलहरु आजदेखि शुरु भएको छ ।

आज भएको खेलमा विकेभिएम, कोशी क्याम्पस र अर्किड कलेज विजयी भएको छ ।

पहिलो खेलमा विकेभिएमले कोवास कलेजलाई ६–० को फराकिलो गोल अन्तरले पराजित गरेको छ । विकेभिएमका म्यान अफ द म्याच सविन चौधरीले ह्याट्रिकसहित ३ गोल, प्रशिल कार्कीले २ गोल र निश्चल थारुले १ गोल गरे ।

दोस्रो खेलमा कोशी क्याम्सवले सगरमाथा कलेजलाई ३–१ को गोल अन्तरले पराजिथ गरेको छ । कोशीका म्यान अफ द म्याच विरबहादुर लिम्बु, प्रदिप तामाङ र गौरभ धिमालले १–१ गोल गरे भने सगरमाथाका आयुस तामाङले गोल फर्काए ।

तेस्रो खेलमा अर्किड कलेजले मेरिल्याण्ड कलेजलाई २–० क गोल अन्तरले पराजित गरेको छ । अर्किडका जुनियर सावाले १ गोल गरे भने अर्को गोल मेरिल्याण्डको निशानत राँयले आत्माघाती गोल गरे । खेलको म्यान अफ द म्याच अर्किडका जुनियर सावा घोषित भए ।

खेलकुदको माध्यमबाट अनुशासन कायम राख्दै, स्वास्थ र सार्वभौमिकताको रक्षा गर्न सक्ने देशभक्त नागरिक उत्पादन, लागुपदार्थको कुलतबाट युवाहरुलाई जोगाउँदै राष्ट्रिय स्तरका खेलाडी तयार गर्न उद्देश्यका साथ स्पोट्र्स मिट गर्न लागेको बताउँदै, हिसान मोरङका अध्यक्ष ढकालले भने, ‘०६५ सालदेखि निरन्तर रुपमा खेलकुदका कार्यक्रम आयोजना गर्दै आए पनि कोरोना महामारीका कारण स्थगित गर्नु प¥यो ।

स्पोर्टस् मिटमा फुटबल (छात्र), क्रिकेट (छात्र), बास्केटबल (छात्र), भलिबल (छात्र/छात्रा), टेबलटेनिस सिंगल र डब्लस (छात्र÷छात्रा), एथलेक्टिस का खेलहरु हुने छन् ।

प्रतियोगितामा विभिन्न खेलमा २८ वटा कलेजहरुका १ हजार ७ सय बढी विद्यार्थीहरुले सभागिता जनाउने भएका छन् ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: khabarpurwanchal6600@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५