सुनसरी बर्जु ३ बन्द रहेको वडा कार्यालय १० दिन पछि खुल्योे

खबर पूर्वाञ्चल, २ भाद्र २०७९, बिहीबार १९:०९
144
Shares

सुनसरी / घाँस काट्ने विषयमा झगडाले बन्द रहेको सुनसरीको बर्जु गाँउपालिकाको वडा नं. ३ कार्यालय १० दिन पछि आजदेखि खुलेको छ ।

उक्त वडामा घाँस काटने झगडामा विवाद हुँदा एक जना महिलाको मृत्यु भएपछि सो वडा कार्यालय बन्द भएको थियो । सर्वदलीय सहमतीमा आजदेखि सेवाग्राहीलाई सेवा प्रदान गर्न वडा कार्यालय सञ्चालनमा आएको छ ।
गत साउन १३ गते बर्जु गाँउपालिका वडा नं. ३ की सङ्गिता रायले चन्द्रकला रायलाई कुटपिटपछि उपचारको क्रममा चन्द्रकलाको साउन २३ गते मृत्यु भएको थियो ।

महिलाको मृत्यु भएपछि वडा कार्यालयले कुनै सहयोग नगरेको भन्दै सोही वडाका ठूलो समूहले वडाध्यक्ष विनोद गुरुङलाई कुटपिट गर्नुका साथै वडा कार्यालयमा तोडफोड गरेका थिए ।

वडाध्यक्ष माथि ज्यान मार्ने प्रयास र वडा कार्यालय तोडफोड भएपछि साउन २४ गतेदेखि बन्द रहेको वडा कार्यालय नागरिक समूह एवं सर्वदलीय छलफलको कार्यक्रमको आयोजना गरेर सञ्चालनमा आएको छ ।

वडा कार्यालय बन्द हुँदा स्थानीयले पाउने सम्पूर्ण सेवा बन्द भएकोले सबै राजनैतिक दलहरु एवं नागरिक समाजसँग छलफल एवं सहमति गरेर कार्यालय सञ्चालनमा ल्याइएको वडाध्यक्ष गुरुङले जानकारी दिए ।

हत्यामा सङ्लग्न भएको आरोपमा सङ्गितालाई प्रहरीले पक्राउ गरेको छ भने भने वडाध्यक्ष माथि कुटपिट तथा कार्यालय तोडफोड गरेका ११ जना फरार रहेका छन् ।

 

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

KP
GREDED
PABSON BRT
खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: khabarpurwanchal6600@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५