खबर पूर्वाञ्चल
आयोजना हुने मुख्य कार्यक्रममा विहार सरकारका पञ्चायती राज्यमन्त्री सम्राट चौधरीको प्रमुख आतिथ्यता रहने भएको छ भने प्राणप्रतिष्ठा समारोहको तयारी अन्तिम चरणमा पुगेको छ ।
यस अवसरमा चन्द्रभान द्विवेदीजी महाराजद्वारा सन्ध्यावेलास्थित शनि मन्दिरको प्रांगणमा अप्रिल १६ देखि १९ सम्म भागवत कथा ज्ञानको आयोजना गरिने मन्दिर समितिका अध्यक्ष किमी आनन्दले बताए । यसअघि विहान भेलामा कलश शोभायात्रा निकालिनेछ जुन केशले मिरगञ्जबाट जलयात्रा लिएर मन्दिरबाट निस्केर नगर परिक्रमा गरी पुनः मन्दिर परिसरमा समापन हुनेछ ।
कलशयात्रामा हजारौं महिला भक्तजनको सहभागिता रहनेछ । माँ खडगेश्वरी मन्दिरका माता कालीका साधक तथा अररिया काली मन्दिरका मुख्य पुजारी सरोजानन्द जी महाराज उर्फ नानु बाबाको नगर भ्रमणको कार्यक्रम तय भएको छ । वैशाख १८ गते अखंड अष्टयम लगायत धार्मिक कार्यक्रम गरिने भएको छ । चारदिने धार्मिक कार्यक्रम यही वैशाख १९ गते यज्ञ पूर्णाहुती लगायतका धार्मिक अनुष्ठानका साथ समापन हुने भएको छ भने स्थानमा भण्डाराको आयोजना गरी प्रसाद वितरण गरिने छ ।
प्राणप्रतिष्ठा कार्यक्रममा नेपालका धार्मिक तथा सामाजिक संघसंस्थाका व्यक्तिहरुको समेत सहभागिता रहनेछ ।
शनि मन्दिर, बजरंगबली मन्दिरको जीवनी लगायतका विभिन्न कार्यक्रममा नेपालका विभिन्न संघसंस्थाको सहभागिता रहने छ । यस अवसरमा कलश यात्रामा नेपाली भक्तजन, महिला तथा विभिन्न संघसंस्थाका प्रतिनिधिहरुको सहभागिता रहने भारत–नेपाल मैत्री समाज जोगबनीले जनाएको छ ।
कलश यात्रा र मूर्तिसहितको नगर परिक्रमामा मैथिली ब्राह्मण महासभा युवा समिति र अप्पन ब्राह्मण समाज, जय माता दि भजन समूह रानी, लायन्स क्लब अफ मिल्स एरिया, ममता महिला एकता समाज रानी विराटनगरलाई निमन्त्रणा पठाइएको छ । कार्यक्रममा विभिन्न सामाजिक तथा धार्मिक संघसंस्थाहरुको समेत सहभागिता रहनेछ । कार्यक्रममा भारत–नेपाल मैत्री समाज जोगबनीका अध्यक्ष वरुण मिश्रले आफूसँग धेरै सामाजिक, धार्मिक संघसंस्थाहरु सम्पर्कमा रहेको र जसका प्रतिनिधिहरु पनि कार्यक्रममा सहभागी हुने बताए।
तपाईको प्रतिक्रिया