खबर पूर्वाञ्चल
मिल्स क्रिकेट क्लव एण्ड एकेडेमीको आयोजनामा विराटनगरस्थित जुटको खेल मैदानमा आज भएको खेलमा एमसिसी ‘ए’ ले होराइजन क्रिकेट क्बल विराटनगरलाई २ विकेटले पराजित गर्दै अन्तिम चारमा प्रवेश गरेको हो ।
जवाफमा १ सय २९ रनको विजय लक्ष्य पछ्याएको एमसिसी ‘ए’ ले १६ दशमलव ५ बलमा ८ विकेटको नोक्सानीमा सो लक्ष्य पुरा गरेको थियो । एमसीसी ‘ए’ का निशान्त कुमारले ४४ रन बनाउँदा म्यान अफ म्याच हासिम अन्सारीले ३८ रन जोडे ।
होराइजनका दिपेश कँडेलले ४ विकेट लिँदा फिरदोस अन्सारीले २ विकेट लिए ।
यस अघि टस जितेर ब्याटिङ गरेको होराइजनले निर्धारित २० ओभरको खेलमा १७ दशमलव ५ बलमा सबै विकेट गुमाई १ सय २८ रनको सामान्य योगफल खडा गरेको थियो । होराइजन मिनस थापाले ३२ बलमा ५१ रन बनाउँदा चिराग साहले २० रन जोडे । एमसीसी ए का मल्ली चौधरी, अरनीको यादव, मेभुव आलम र भुलाकन सहनीले समान २÷२ विकेट लिए ।
