बंगलादेशलाई बराबरीमा रोक्दै नेपाल साफ फुटबलको पहिलो पटक फाइनलमा पुग्दै इतिहास रच्यो

खबर पूर्वाञ्चल, २७ आश्विन २०७८, बुधबार १९:३२

विराटनगर / बंगलादेशलाई १–१ गोलको बराबरीमा रोक्दै नेपाल पहिलो पटक साफ च्याम्पियनसिप फुटबलको फाइनलमा प्रवेश गरे इतिहास रचेको छ ।

माल्दिभ्समा आज भएको आफ्नो समूह चरणको अन्तिम खेलमा बंगलादेशसँग १–१ को बराबरीमा रोक्दै नेपाल साफ च्याम्पियनसिप फुटबलको फाइनलमा प्रवेश गरेर इतिहास रचेको हो ।

सन १९९३ मा सुरू भएको साफ च्याम्पियनसिपमा नेपाल यसअघि कहिल्यै फाइनलमा पुगेको थिएन । पहिलो संस्करणमा तेस्रो भएको नेपालले २०१८ मा सेमिफाइनलसम्म यात्रा तय गरेको थियो ।

मालेस्थित नेशनल स्टेडियममा भएको खेलका पहिलो हाफमा १–० गोलले पछि परेको नेपाललाई फाइनल र्पुयाउन अञ्जन विष्टले पेनाल्टीबाट गोल गरे । उनले खेलको ८८ औँ मिनेटमा गोल गर्दै नेपाललाई फाइनलमा र्पुयाएका हुन् । यस अघि नेपालले नवौं मिनेटमा नै गोल खाएको थियो । कर्नरको बलमा सुमन रेजाले हेड गोल गर्दै बंगलादेशलाई सुरुवाती अग्रता दिलाएका थिए । दोस्रो हाफमा बंगलादेशले केही रक्षात्मक खेल खेल्यो ।

पेनाल्टी एरिया बाहिर आएर फल गरेपछि बंगलादेशका गोलकिपर रहमान जिकोले रातो कार्ड पाएका थिए। त्यससँगै १० जनामा सीमित भएको बंगलादेशका खेलाडीविरुद्ध नेपालले पेनाल्टी पाएको थियो । त्यसलाई अञ्जनले गोलमा परिणत गरे ।

बराबरीसँगै ७ अंक जोडेको नेपाल फाइनलमा पुगेको छ भने बंगलादेश समूह चरणबाटै बाहिरिएको छ ।

अब उपाधिका लागि नेपालले भारत र माल्दिभ्सविचको विजेतासँग खल्नेछ । यो दुई टोलीबीच समूह चरणकै अन्तिम खेल बुधबार हुनेछ । फाइनलमा स्थान बनाउन माल्दिभ्सलाई बराबरी भए पुग्छ भने भारतलाई जित्नै पर्ने दबाव छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

MADHAV RAJ WAGLE
PABSON daisain

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५