पार्किङमा राखिएको डिजेलसहितको ट्यांकर चोरीमा संलग्न रहेका दुई जना पक्राउ

खबर पूर्वाञ्चल, १६ भाद्र २०७८, बुधबार १९:११

विराटनगर / नेपाल आयल निगम विराटनगर डिपोको पार्किङमा राखिएको डिजेलसहितको ट्यांकर चोरी भएको आरोपमा दुईजना पक्राउ परेका छन् ।

सोमबार विराटनगर–४ स्थित आयल निगमको पार्किङस्थलमा रोकिएको ट्याङ्कर चोरेर लैजादै गरेको अवस्थामा दुई जनालाई प्रहरीले पक्राउ गरेको हो । प्रहरीले घटनामा संलग्न आरोपमा विराटनगर महानगरपालिका–४ बस्ने २६ वर्षीय श्रवणकुमार यादव र विक्की रायलाई पक्राउ गरेको छ ।

उनीहरुले नेपाल आयल निगमको उत्तरतर्फ रहेको पार्किङ स्थलबाट २० हजार लिटर डिजेल सहितको ना ४ ख ४६९ नम्बरको ट्यांकर चोरी गरी भाग्दै गर्दा जिल्ला प्रहरी कार्यालय मोरङबाट खटिएको प्रहरी टोलीले मोरङ बुढीगंगा गाउँपालिका–३ बाँसबारीबाट ट्यांकर सहित सोमबार नियन्त्रणमा लिएको थियोे ।

पक्राउ परेका उनीहरु विरुद्ध मोरङ जिल्ला अदालतबाट चोरी कसूरमा पाँच दिनको म्याद थप गरी अनुसन्धान भइरहेको मोरङ प्रहरीले जनाएको छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५