वेलबारी / कोरोना भाइरस कोभिड १९ संक्रमण रोकथामका लागि संघीय सरकारबाट खोप आउन समय लाग्ने देखिएपछि मोरङका स्थानीय निकाय आफै खरिदका अघि बढेका छन् ।

मोरङको बेलबारी नगरपालिकाले कोभिड–१९विरुद्धको खोप खरिदका लागि स्वास्थ्य तथा जनसख्या मन्त्रालयसँग स्वीकृति मागेको छ ।

संघीय सरकारले सबै नागरिकलाई खोप उपलब्ध गराउन नसकिरहेको अवस्थामा नगरपालिका आफै खोप खरिदका लागि अघि सरेको उनले बताएका छन् । ८० हजार जनसंख्या रहेको नगरपालिकामा हालसम्म ३ हजारको संख्यामा सर्वसाधारणले खोप लगाएको स्वास्थ्य शाखाले जनाएको छ । स्वास्थ्य शाखाका कर्मचारी एवं कोभिड १९ फोकलपर्सन सन्तोष विश्वकर्माका अनुसार नगरपालिकामा हालसम्म ३ हजार जनाले कोरोनाविरुद्धको खोप लगाएका छन् । जसमध्ये पूर्ण रुपमा पहिलो र दोस्रो खोप ३ सय जनाले लगाएका छन् ।

कोभिड १९ फोकलसर्पन विश्वकर्माका अनुसार पहिलो चरणमात्र लगाएका २ हजार ७ सय जनाले अझै दोस्रो चरणको खोप लगाउन बाँकी नै रहेको छ। बेलबारीमा हालसम्म कोरोना सङ्क्रमितको सङ्ख्या दुई सय ५० भन्दामाथि छ । कोरोनाका कारण बेलबारीमा १० जनाको मृत्यु भइसकेको छ ।