राष्ट्रपति रनिङ सुरु

खबर पूर्वाञ्चल, ३ बैशाख २०७८, शुक्रबार २०:०३

विराटनगर / मोरङको बेलबारी–११ स्थित लक्ष्मी माविको खेल मैदानमा आजदेखि जिल्ला स्तरीय १२ औं राष्ट्रपति रनिङ शिल्ड प्रतियोगिता सुरु भएको छ ।

प्रतियोगिताको पहिलो दिन तेक्वान्दो र उसुका सबै इभेन्ट्स सकिएको छ भने एथ्लेटिक्सका केही इभेन्ट सम्पन्न भएको छ ।

प्रतियोगिताअन्तर्गत उसुको थाइची छ्वानको छात्रतर्फ आर्दश माविका चिरजीवी राई प्रथम, लालीगुराँस बोर्डिङका जोगछेन तमाङ द्वितीय र लिलिपुट स्कुलका साउलिङ राई तृतीय भए । छात्रातर्फ कोबास कलेजकी एन्जल पोद्दार प्रथम, शिक्षादीप कलेजकी इशु पन्त द्वितीय र पूर्वाञ्चल बोर्डिङ स्कुलकी शितल मगर तृतीय भइन् । नान छ्वानको छात्रतर्फ आदर्श माविका एलिस मारिक प्रथम, पूर्वाञ्चल एकडेमीका एल्सन तामाङ द्वितीय र ग्रेडेड स्कुलका शौरभ लामा तृतीय भए । छात्रातर्फ साजिलाल माविकी समृद्धि लिम्बू प्रथम, लालीगुराँस बोडिङ स्कुलकी अरुणा विक द्वितीय र पूर्वाञ्चल बोडिङ स्कुलकी कृपा सार्की तृतीय भइन् ।

त्यसैगरी, उसकै छाङ छ्वान छात्रतर्फ आदर्श माविका सागर यादव प्रथम, मेरिल्याण्ड बोडिङ स्कुलका पारस मारिक द्वितीय र अरनिको बोडिङ स्कुलका सौगात लामा तृतीय भए भने छात्रातर्फ मोर्डन एरा स्कुलकी कृतिका राई प्रथम, साजिलाल माविकी तुलसा सार्की द्वितीय र पूर्वाञ्चल बोर्डिङ स्कुलकी अनमिका गुरुङ तृतीय भइन् । नान छ्वान टिमतर्फ आदर्श मावि प्रथम, पूर्वाञ्चल बोर्डिङ स्कुल द्वितीय र साजिलाल मावि तृतीय भए । नान छ्वानतर्फ उत्कृष्ट आदर्श माविका एलिस मारिक र थाइचि छ्वानतर्फ कोबास कलेजकी एन्जल पोद्दार उत्कृष्ट भए ।

त्यस्तै तेक्वान्दोतर्फ ४८ केजी समूहमा सिंहदेवि एकेडेमीका पदमबहादुर राई प्रथम र महेन्द्र माविका मुकेश धिमाल द्वितीय भए । ४५ केजी समूहमा माउण्ट हर्मन स्कुलका आशिष भुजेल प्रथम र सुकुना माविका उत्तम सञ्जेल द्वितीय भए । ५१ केजी समूहमालालीगुराँस स्कुलका सुरज राई प्रथम र बालजगत स्कुलका क्षितिज राई द्वितीय भए । छात्रातर्फ ४६ केजी समूहमा बालजगत स्कुलकी रक्षा धिमाल प्रथम र पर्ल एकेडेमीकी अंशु धिमाल द्वितीय भइन् । ४२ केजी समूहमा सिंहदेवि एकेडेमीकी आश्ना दर्जी प्रथम र कसेनी माविकी नवीना लिम्बू द्वितीय भइन् । ४४ केजी समूहमा बालजगत स्कुलकी आश्मा राई प्रथम र बालसदन स्कुलकी जेशिका खनाल द्वितीय भइन् ।

त्यस्तै १ सय मिटर छात्र दौडतर्फ आभाष नेउपाने प्रमथ, दाउद सोरेन द्वितीय र करण धिमाल तृतीय भए भने छात्रातर्फ सोफिया माझी प्रथम, प्रियंका थन्दार द्वितीय र प्रजिना बस्नेत तृतीय भइन् । १५ सय मिटर दौड छात्रतर्फ रञ्जन मगर प्रथम, राकेश सार्की द्वितीय र राजेश हास्दा तृतीय भए भने छात्रातर्फ सुकुना माविकी सिर्जना पुरी प्रथम, सुनपकुवा माविकी अनिशा राई द्वितीय र निलगिरी स्कुलकी अन्जु राजघर तृतीय भइन् । ४ सय मिटर दौड छात्रतर्फ मछिन्द्र माविका अभिषेक श्रेष्ठ प्रथम, राइजिङ स्कुलका निर्मोद बेस्रा द्वितीय र वीरेन्द्र माविका मने हेमरम तृतीय भए ।

सटपुट छात्रातर्फ वुद्धिमाया तामाङ प्रथम, मनिषा चौधरी द्वितीय र शुकमाया मगर तृतीय भइन् भने छात्रतर्फ विकास नेपाली प्रथम, किरण चौधरी द्वितीय र प्रनित खड्का तृतीय भए ।

प्रतियोगितामा मिक्लाजुङ र कानेपोखरी बाहेक अन्य १५ वटा पालिकाका निजी तथा सामुदायिक विद्यालयका १ हजार २ सय जना छात्र÷छात्राको सहभागिता रहेको छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५