कोशीको कोभिड अस्पतालमा विराटनगरकी संक्रमित महिलाको मृत्यु , विराटनगरमा मृत्यु हुनेको संख्या १६ पुग्यो

विराटनगर १९ की ४४ वर्षिय महिलाको उपचारको क्रममा आज राती ७ बजेर १० मिनेटमा मृत्यु भएको हो ।

कोशी अस्पतालको आइसोलेशनबाट स्वास्थ्यमा गम्भिर समस्या भएपछि रिफर गरिएको विरामीको उपचारको क्रममा मृत्यु भएको कोभिड अस्पतालका प्रमुख डा. दिपक सिग्देलले जानकारी दिए । ती महिलालाई पाँच दिनदेखि ज्वरो र स्वासप्रश्वासमा समस्या भएपछि आज दिउँसो कोशी अस्पतालको आइसोलेशनमा भर्ना गरिएको थियो । सोही दिन गरिएको पीसरीआर परीक्षणमा संक्रमण देखिएपछि थप उपचारको लागि कोभिड अस्पताल पठाएको कोशी अस्पतालका डा. लक्ष्मीनारयण यादवले जानकारी दिए ।

यो सँगै कोशीको कोभिड अस्पतालमा मृत्यु हुनेको संख्या पाँच पुगेको छ भने विराटनगरमा कोरोनाको कारण हालसम्म १६ जनाको मृत्यु भएको छ ।