RUMPUM
animated ellipse animated ellipse

विराटनगरमा आज थप १३ जनामा कोरोना भाइरसको नयाँ संक्रमित फेला

KhabarPurwanchal-Logo

खबर पूर्वाञ्चल

२२ श्रावण २०७७, बिहीबार ११:५६
3
Shares
विराटनगर / विराटनगरमा आज थप १३ जनामा कोरोना भाइरसको नयाँ संक्रमित थपिएका छन् ।

कोशी अस्पतालको प्रयोगशालमा स्वाब परीक्षण गराउँदा उनीहरुको रिपोर्ट पोजेटिभ आएको महानगरपालिकाले जनाएको छ । पाँच महिला र आठ पुरुषको रिपोर्ट पोजेटिभ आएको हो । नयाँ संक्रमित विराटनगर महानगरपालिका–२, ६, ७, ८, १०, ११, र १३ वडाका रहेका छन् ।

महानगरपालिका जनस्वास्थ्य महाशाखाका प्रमुख रमेश कार्कीले उल्लेखित ठेगाना र नामको संक्रमित पहिचान र खोजिका लागि आजबाटै टोली खटिएको बताए । हिजो बेलुका ढिलो गरी रिपोर्ट आएको हुँदा महानगरको टोली बिहीबार बिहानैबाट संक्रमित व्यवस्थापनका लागि खटिएको उनले बताए ।
संक्रमितमध्ये तीन पुरुष र एक महिलाको उमेर खुलेको छैन । अरु २४ देखि ६० वर्ष उमेरसम्मका रहेका छन् । नयाँ १३ जना थपिएसँगै विराटनगरमा कोरोना संक्रमितको संख्या एक सय ८३ पुगेको छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

फोटो फिचर