खबर पूर्वाञ्चल
साउन २८ गते हुने रथयात्रा कोरोना संक्रमण जोखिम बढेकाले यात्रा स्थगित गरेको श्रीराधाकृष्ण रथयात्रा सञ्चालक समितिका अध्यक्ष बाबुराजा ओझाले जानकारी दिए ।
आज विराटनगरमा पत्रकार सम्मेलन गर्दै उनले कोरोना संक्रमणको जोखिम भएकाले सार्वजानिक रुपमा रथयात्रा नगर्ने निर्णय भएको बताए । रथयात्रा अगाडि साउन १५ देखि २७ गतेको झुलन महोत्सव पनि यस पटक सञ्चालन नहुने बताइएको छ ।
सार्वजनिक प्रयोजनमा रथयात्रा नगरेपनि मन्दिर परिसरमा रथयात्राको विधि भने सञ्चालन हुने अध्यक्ष ओझाले बताए ।
विगराटनगरमा हुने श्रीराधाकृष्ण रथयात्रामा लाखौं भक्तजनहरु सहभागी हुने गरेका छन् । पूर्वी नेपाल र सिमावर्ती भारतका विभिन्न ठाउँबाट रथयात्रा अवलोकनका लागि मानिसहरु आउने गरेका छन् । विस १९८८ सालदेखि सुरु भएको खटयात्रा विस २०२५ सालयता रथयात्रा गरिदै आएको छ ।