मिथुनको हत्याको आरोपमा श्रीमतीसहित ५ जना पक्राउ

असार ३ गते भएको हत्यामा संलग्न भएको आरोपमा जिल्ला प्रहरी कार्यालय सुनसरीले मिथुनको श्रीमतीसहित ५ जनालाई पक्राउ गरेको हो ।

हत्यामा संलग्न भएको आरोपमा मिथुनकी श्रीमती प्रमिला उराँव, सासु छवनीदेवी उराँव, ससुरा रामदेव उराँव, अरविन उराँव र अजय उराँवलाई पक्राउ गरेको जिल्ला प्रहरी कार्यालय सुनसरीका प्रहरी उपरीक्षक कमल थापाले जानकारी दिए ।

प्रहरीले मृतकका सासुससुरा र श्रीमतीलाई असार २४ गते नियन्त्रणमा लिएको थियो । अरविन र अजयलाई असार २५ गते पक्राउ गरेको प्रहरी उपरीक्षक थापाले जानकारी दिए ।

असार ६ गते प्रहरीले गढी गाउँपालिका– ६ सत्तेरझोडास्थित बुढी खोला पुल छेउको नदी किनारमा आधा पुरेको अवस्थामा मिथुनको शव फेला पारेको थियो ।

शव भेटिएपछि उत्खनन गरी प्रहरीले विपी कोइराला स्वास्थ्य विज्ञान प्रतिष्ठान धरान पठायो । त्यसपछि शव पहिचानको प्रयास र्गयो ।

असार १० गते देवानगन्ज गाउँपालिका – ७ का जगदिश उराँव छोरा हराएको भन्दै प्रहरी कार्यालय पुगे । ससुराली गएको छोरा नफर्किएपछि खोजी गर्न प्रहरी कार्यालय पुगेका जगदिशले छोराको शव पहिचान गरे पछि मिथुनको हत्या भएको खेलेका हो ।