टुटफुट र विभाजनको विरुद्धमा प्रदेश १ का सवै कमिटिहरु एकजुट

खबर पूर्वाञ्चल, २१ असार २०७७, आईतवार १९:४०

विराटनगर / नेपाल कम्युनिष्ट पार्टीको प्रदेश १ अन्तरगतका १४ वटै जिल्ला पार्टी कमिटिहरु टुटफुट र विभाजनको विरुद्धमा एकजुट भएका छन् ।

आज विराटनगरमा १४ जिल्लाका पार्टी नेतृत्व र प्रतिनिधिहरुको उपस्थितिमा पत्रकार सम्मेलन आयोजना गरेर जारी विवादले पार्टीलाई क्षति पुर्याउने भन्दै नेतृत्वलाई गम्भीर हुन आग्रह गरेको हो ।

उनीहरुले करीव दुई तिहाईको जनमतसहित इतिहासले दिएको जिम्मेवारीलाई गम्भिरता पूर्वक मनन् गर्नुपर्नेमा जोड दिदै टुटफुट र विभाजन रोक्ने गरि पहल गर्न सिङ्गो नेतृत्व र आम पार्टी पंक्तिमा पनि आग्रह गरिएको छ ।

पत्रकार सम्मेलनमा उनीहरुले पार्टी नेतृत्वलाई पार्टी एकताको मर्म र भावना अनुरुप कदम चाल्न आग्रह गरिएको छ ।

नेकपाका केन्द्रीय सदस्य गुरु बरालले सरकारलाई निरन्तरता दिई यसमा भएको कमीकमजोरी सच्चाइ पार्टी सुदृढ एकता कायम गर्नुपर्नेमा जोड दिए । उनले अहिले आम कार्यकर्ता र शुभचिन्तकहरु पार्टी एकताको पक्षमा रहेकोले कसैले पनि फुट र विभाजनको कल्पना गर्न नहुने भन्दै सोही अनुसार सहमति कायम गर्ने प्रयत्न जारी रहेको समेत बताए ।

नेकपा मोरङ अध्यक्ष ऋषिकेश पोखरेलले पार्टी विधान र निर्वाचनमा जनतासँग गरेको प्रतिबद्धतालाई हृदयंगम गरि पार्टी एकतामा जोड दिए । उनले पार्टी एकतालाई कमजोर पार्ने कुनैपनि गतिविधि सङ्लग्न नहुन पार्टी सदस्यहरुलाई आग्रह समेत गरे ।

नेकपाका १४ जिल्लाका तर्फबाट पार्टी अध्यक्षद्धय केपी शर्मा ओली र पुष्पकमल दाहाललाई ध्यानाकर्षण पत्र बुझाईने अध्यक्ष पोखरेलले बताए ।

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५