तमोर नदिले बगाएर ३ जना बेपत्ता

ताप्लेजुङ फक्ताङलुङ गाँउपालिका–६ का ५७ बर्षिय कालुमान तक्मादेन लिम्बु र तेह्रथुम आठराई गाउँपालिका–५ होडाका १५ बर्षीय सन्तोष तामाङ र १८ बर्षीय रन्जित शेर्पा तमोर नदीमा बेपत्ता भएको १ नम्बर प्रदेश प्रहरी कार्यालय विराटनगरले जनाएको छ ।

सोमवार दिउँसो २ बजेको समयमा घरबाट टिपटाला तर्फ जाँदै गरेका ताप्लेजुङ फक्ताङलुङका कालुमान तक्मादेन लिम्बुलाई स्थानीय सिजनेमा खोलाले बगाएर नजिकै रहेको तमोर नदीमा पु¥याई बेपत्ता भएका छन् । यसैगरी सोमवार दिउँसो ३ बजे साथीहरुसंगै तमोर नदीमा पौडी खेल्न गएका तेह्रथुम आठराई गाउँपालिकाका–५ होडाका १५ बर्षीय सन्तोष तामाङ र १८ बर्षीय रन्जित शेर्पालाई पनि तमोर नदिले बगाउँदा बेपत्ता भएका छन् । पौडी खेल्न गएका उनीहरुलाई नदीले बगाएको प्रहरीले जनाएको छ । बेपत्ता तिनैजनाको सम्बन्धित ठाँउका प्रहरीले खोजतलास जारी राखेको जनाइएको छ ।