निशुल्क भात खुवाउने अभियानलाई कृषक कोपिन्द्रको सहयोग

खबर पूर्वाञ्चल, १० बैशाख २०७७, बुधबार २१:०१

विराटनगर / काटहरी ४ नयाँ बजारका कृषक कोपिन्द्र सिंहले निशुल्क खाना खुवाउनेहरुका लागि तरकारी सहयोग गरेका छन् ।

कोरोना भाइरस संक्रमणको न्यूनिकरण गर्नका लागि सरकारले लकडाउनको घोषणा गरेसँगै कृषि क्षेत्रमा पनि प्रत्यक्ष असर परेको छ ।

लकडाउनका कारण सिहंको खेतैमा तकारी कुहिन थालेसँगै लाखौंको घाटा बेहोरीरहेको सिंहले निशुल्क खाना खुवाउने अभियानलाई तकारी दिएर सहयोग गर्ने निर्णय गरेका हुन् ।

लकडाउनका कारण सडकमा नै जीवन व्यतित गर्ने अति विपन्नहरुलाई युवा नेता ओसिम आलमको नेतृत्वमा निशुल्क खाना खुवाउने अभियान थालिएको थियो ।

आलमको अनुसार करिब एक सय भन्दा बढि दैनिक ज्याला मजदुरी गरेर जिविकोपार्जन गर्ने साथै सडकमा नै मागेर पेट भर्ने विपन्नका लागि लकडाउन अवधिसम्म खाना खुवाउने निर्णय रहेको छ ।

युवाहरुले यो संकटको अवस्थामा सडकमा भोकाएकाहरुको पेट भरिरहेको अवस्थामा आफ्नो तकारी बारीमा नै कुहिनु भन्दा समाजिक काममा सहयोग गर्दा नै उचित रहेको सिंहको भनाई छ । उनले आफ्नो खेतमा रहेको टमाटर, बन्दाकोपी, खुर्सानी लगायतका तरकारी सहयोग गरेका हुन ।

आगामी दिनमा पनि वेसाहाराका लागि साहारा बनेको निशुल्क भात खुवाउने अभियानका टिमलाई साथ सहयोग रहने उनले बताए ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५