प्रधानमन्त्री ओली अस्पताल भर्ना

खबर पूर्वाञ्चल, १४ चैत्र २०७६, शुक्रबार ०९:३५
फाइल तस्वीर

विराटनगर/प्रधानमन्त्री केपी शर्मा ओली बिहीबार राति अस्पताल भर्ना गरिएको छ ।

त्रिभूवन विश्वविद्यालय शिक्षण अस्पताल महाराजगञ्जमा प्रधानमन्त्रीलाई भर्ना गरिएको हो ।

शरीरमा केही असहजता भएपछि प्रधानमन्त्री ओलीलाई अस्पताल भर्ना गरिएको र उहाँको मुटुको चालमा एकरुपता नदेखिने बाहेक अन्य अवस्था सामान्य रहेको बताइएको छ । बिहानसम्म भने मुटुको चाल पनि सामान्य भइसकेको बताइएको छ ।

दोस्रो पटक मिर्गौला प्रत्यारोपण गरेपछि छ महिनासम्म आराम गर्न चिकित्सकहरुले सुझाव दिएपनि प्रधानमन्त्रीले त्यसलाई अवज्ञा गर्नुभएको थियो । उहाँले यस बिचमा पनि निकै धपेडी गर्नुभएको थियो । जसले गर्दा प्रधानमन्त्रीमा केही समस्या देखिएको अनुमान गरिएको छ ।

दुई दिन अघि बसेको मन्त्रिपरिषद् बैठकमा प्रधानमन्त्री ओली झण्डै ४ घण्टा बस्नुभएको थियो । प्रधानमन्त्री ओलीको फागुन २१ गते दोश्रो पटक मिर्गौला प्रत्यारोपण गरिएको थियो ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

KVM

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५