पूर्वाञ्चल खबर
विराटनगर / विश्वभरी महामारीको रूपमा फैलिएको कोरोना भाइरस (कोभिड १९) को जोखिमबाट बच्न मोरङ प्रहरीलाई एक दम्पतीले मास्क वितरण गरेका छन् ।
समाजवादी पार्टी नेपालको केन्द्रीय सस्दय तेजलाल कर्ण र विद्याकुमारी कर्णले मोरङ प्रहरीलाई १ हजार २ सय थान मास्क र सेनिटाइजर वितरण गरेका हुन् ।
जनताको सुरक्षाको लागि अवरात रूपमा खटिने प्रहरीको सुरक्षाको लागि मास्क र सेनिटाइजर वितरण गरिएको समाजवादी पार्टीका केन्द्रीय सदस्य कर्णले जानकारी दिए । ‘महामारीको रूपमा फैलिएको कोरोना भाइरसको संक्रमणबाट सुरक्षाकर्मी जोगिए मात्र जनताको सुरक्षा प्रदान गरिन सकिन्छ । त्यही भएर हामीले कोरोना भाइरसबाट जोगिन माक्स वितरण गरिएको हो,’ मजदुर नेता समेत रहेका नेता कर्णले भने । जनताको अवरात रूपमा खटिने सुरक्षार्कीहरूको लागि कोरोना भाइरसको संक्रमण विरुद्ध रोक्न मास्क प्रहरीको लागि मास्क अपरिहार्य रहेको बताए ।
प्रहरीको लागि वितरण गरिएको मास्क संघिय समाजवादी पार्टीका केन्द्रीय सदस्य तथा मजदुर नेता समेत रहेका कर्ण र विद्याकुमारी कर्णले मोरङ प्रहरीका प्रमुख एसपी अधिकारीलाई वितरण गरे ।
