पूर्वाञ्चल खबर
विराटनगर / मोरङ र सुनसरी जिल्लाका २ स्थानबाट नियन्त्रीत लागुऔषधसहित ३ जना पक्राउ परेका छन् ।
जिल्ला प्रहरी कार्यालय मोरङबाट खटिएको प्रहरी टोलीले सुनसरीको धरान उपमहानगरपालिका १५ का २२ बर्षीय निशान लिम्बुलाई नटफिन ५० पिस,डाईजोल्याप ५० पिस र एभिल ५० पिससहित विराटनगरको सजिलो बजार छेउबाट पक्राउ गरेको हो । यसैगरी लागुऔषध नियन्त्रण ब्युरो विराटनगरबाट खटिएको प्रहरी टोलीले सुनसरीको भोक्राहा नरसिंह गाउँपालिका ४ बाट २ जनालाई पक्राउ गरेको छ ।
विशेष सूचनाको आधारमा उक्त स्थानमा खटिएको टोलीले को ३५ प ६४१८ नम्बरको मोटरसाईकलमा सवार रहेका भोक्राहा नरसिंह गाउँपालिका ४ का २४ बर्षीय अरुण यादव र सप्तरीको छिन्नमस्ता गाउँपालिका ४ का २० बर्षीय विवेक यादवको साथबाट नाईट्रोभेट ७५० क्याप्सुल, स्पास्मोप्रोक्सिवन ११६० क्याप्सुल र डाईलक्स डि।सी १०० एमएलको २९ बोतल बरामद गरेको हो ।
लागुऔषधसहित पक्राउ परेका ३ नै जनाको सम्बन्धमा थप अनुसन्धान भईरहेको मोरङ प्रहरीले जनाएको छ ।
