पूर्वाञ्चल खबर
झापा /झापा अर्जुनधारा ११ स्थित बसपार्क छेउको एक होटलबाट लागुऔषध ब्राउनसुगरसहित ६ जना पक्राउ परेका छन ।
पक्राउ पर्नेमा पाँचथर फाल्गुनन्द ३ का २५ बर्षीय विवेक तामाङ ,२१ बर्षीय समिर लिम्बु, २४ बर्षीय सन्जु चेम्जुङ, १८ बर्षीय दिपेन नेम्वाङ यसै गरी झापा अर्जुनधारा ६ का १८ बर्षीय रोशन गुरुङ र ईलाम तेनपा २ का २० बर्षीय सन्तोष तामाङ रहेका छन ।
विशेष सुराकीको आधारमा ईलाका प्रहरी कार्यालय अनारमनीबाट खटिएको प्रहरी टोलीले बसपार्कमै रहेको माउन्ट मेची होटलको एक कोठामा चेकजाँच गर्ने क्रममा ३९ ग्राम, २९ मिलिग्राम ब्राउनसुगर जस्तो देखिने खैरो पदार्थ थालमा राखेको अवस्थामा फेला पारी मानिससहितलाई पक्राउ गरिएको उक्त कार्यालयले जनाएको छ ।
पक्राउ परेका ६ जनालाई ईलाका प्रहरी कार्यालय अनारमनीमा राखी थप अनुसन्धान भईरहेको झापा प्रहरीले जनाएको छ ।
