CLASSICTECH NET

मुख्यमन्त्री राईसँग प्रत्यक्ष सम्वाद गरेर फोरजी सेवाको शुभारम्भ गरे प्रम ओलीले

खबर पूर्वाञ्चल, १५ आश्विन २०७६, बुधबार २२:०६

विराटनगर / प्रधानमन्त्री केपी शर्मा ओलीले प्रदेश १ का मुख्यमन्त्री शेरधन राईसँग प्रत्यक्ष सम्वाद गरेर नेपाल टेलिकमको पूर्व क्षेत्रको सेवा फोरजी सेवाको शुभारम्भ गरेका छन् ।

नेपाल टेलिकमको तीव्र गतिमा सञ्चालन हुने फोरजीबाट उपभोक्तालाई राहत मिलेको मुख्यमन्त्री राईले बताए । उनले आफू सूचना तथा सञ्चार प्रविधि मन्त्री भएकै समयमा फोरजी सेवा सञ्चालन गर्ने निर्णय गरेको स्मरण गराउँदै नेपाललाई डिजिटल प्रविधिमा लैजान यो सेवाले मद्दत गर्ने बताए ।

यो सेवा सञ्चालन गर्दा आम उपभोक्तामा सेवा प्रवाहमा कुनै समस्या हुन नदिन टेलिकमले संवेदनशील हुनु पर्ने चर्चा गर्दै मुख्यमन्त्री राईले डिजिटल प्रविधिको प्रयोगबाट प्रदेश १ का सबै शिक्षा, स्वास्थ्य र कृषि जस्ता सरकारी निकायका प्रमुखहरुलाई जवाफदेही तथा उत्तरदायी बनाउन सहयोग पुग्ने बताए ।

नेपाल टेलिकमका पूर्वाञ्चल निर्देशक रामप्रसाद शर्मा र प्रबन्धक राजेन्द्र महर्जनले आम उपभोक्ताको मागलाई यो सेवाले उत्साहित बनाएको बताए ।

पूर्व क्षेत्रमा नेपाल टेलिकमका उपभोक्ता करिव १४ लाख रहेको र यसकालागि टेलिकमले १३७ नयाँ सहित ८५३ स्थानमा टावर जडान गरेको छ । विगतमा तेस्रो पुस्ताका भनिएका थ्रीजीको रफतार ३० एमवीपीएस थियो भने अहिले फोर जीको रफतार २५० एमवीपीएस रहने इन्जिनियर सुजित मल्लले जानकारी दिए ।

तपाईको प्रतिक्रिया

biratnagar mahanagarpalika dasain
GREDED DASAIN
birat eye hospital
NEPAL BUSNESH COLLEGE

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५