साग खेमकालागि पुरुष फुटबलका लागि प्रारम्भिक चरणको खेलाडी छनोट

खबर पूर्वाञ्चल, १५ भाद्र २०७६, आईतवार २०:१३
फाइल तस्वीर

काठमाण्डौं / नेपालमा आयोजना हुने १३ औं दक्षिण एसियाली खेलकुद प्रतियोगिता (साग) अन्तर्गत पुरुष फुटबलका लागि नेपालले प्रारम्भिक चरणमा ३२ खेलाडी छनोट गरेको छ ।

अखिल नेपाल फुटबल संघ एन्फाले आज प्रशिक्षणमा रहेका खेलाडीबाट प्रारम्भिक चरणमा ३२ खेलाडी छनोट गरेको हो । मुख्य प्रशिक्षक बाल गोपाल महर्जनले ४५ खेलाडीबाट ३२ खेलाडी छनोट गरेको हो । सागको पुरुष फुटबलमा यू २३ उमेर समूहका खेलाडीले सहभागिता जनाउने छन् । जसमा ३ जना सिनियर खेलाडी राख्न पाउनेछन् । नेपालले भारतमा सम्पन्न १२ औं सागमा स्वर्ण जितेको थियो । मंसिर १५ बाट २४ सम्म आयोजना हुने सागको पुरुष फुटबल काठमाडौंमा हुनेछ । गोलकिपरमा किरण चेम्जोङ, अर्पण कार्की, दिप कार्की, देव लिम्बु, रोमन रसाईली रहेका छन् ।

डिफेन्डरमा अनन्त तामाङ, दिनेश राजवंशी, सुमन अर्याल, बिक्रम लामा, रामचन्द्र वाजी, रोहित चन्द, विकास खवास, अशिम भुजेल, मिक्चेन भुजेल, रोमन लिम्बु, छिरिङ गुरुङ रहेका छन् । मिडफिल्डरमा सुजल श्रेष्ठ, अन्जन बिष्ट, सुनिल बल, हेमन्त थापा मगर, नितिन थापा, सेसेहाङ आङदेम्बे, एरिक बिष्ट, दिपेश आले मगर, तेज तामाङ रहेका छन् । फरवार्डमा नवयुग श्रेष्ठ, विमल घर्ति मगर, अभिषेक रिजाल, प्रिजन तामाङ, रेजिन सुब्बा, राजिब लोप्चन, राजेश परियार रहेका छन् ।

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५