पूर्वाञ्चल खबर
विराटनगर / इमोमा २५ लाखको चिट्ठामा परेको भन्दै ठगी गर्ने दुई जनालाई आज मोरङ प्रहरीले पक्राउ गरेको छ ।
विराटनगर महानगरपालिका–११ का २३ वर्षिय निरज मरिक र मोरङ धनपालथान गाउँपालिका–६ का ३६ वर्षिय श्रवण मलहाले इलाम जिल्ला इलाम माई नगरपालिका– ८ का पासाङ शेर्पालाई ‘इमो’ मार्फत चिट्ठा परेको छ भन्दै सन्देश पठाई एक लाख २० हजार ठगी गरेको आरोपमा पक्राउ गरेको जिल्ला प्रहरी कार्यालय मोरङका प्रवक्ता प्रहरी नायव उपरीक्षक घनश्याम श्रेष्ठले जानकारी दिए ।
पक्राउ परेका दुवै जनाले शेर्पालाई चिठा परेको भन्दै दस्तुर(कर) वापत पटक ÷पटक गरी मरिकको नाममा ४५ हजार र ७५ हजार गरी १ लाख २० हजार विराटनगरको एक वैंकको खातामा रकम पठाएपछी सम्पर्क विहिन भएका थिए ।
पक्राउ परेका मलाहा यस अघि विस २०७५ पुस २६ गते यसरी नै ठगीमा पक्राउ परि जिल्ला अदालत मोरङवाट २ लाख धरौटीमा छुटेका मोरङ प्रहरीले जनाएको छ ।
पक्राउ परेका दुवै जनालाई मुलुकी अपराध संहिता, २०७४ वमोजिम ठगी सम्वन्धी कसूर अन्तर्गत अनुसन्धान तथा कारवाही पक्रिया अगाडि वढाइने मोरङ प्रहरीले जनाएको छ।
