पूर्वाञ्चल खबर
विद्यार्थीहरूले दशैँको मालश्री धुनदेखि तिहारको देउसी भैलो र छठको सांस्कृतिक झलक समेटिएका नृत्य तथा गीत प्रस्तुत गरेका थिए। शिक्षक, अभिभावक र विद्यार्थीहरूको उल्लेख्य उपस्थिति रहेको कार्यक्रमले आपसी सद्भाव, मेलमिलाप र सांस्कृतिक एकताको सन्देश प्रवाह गरेको थियो।
सहभागीहरूले यस्ता पर्वहरूले नेपाली समाजमा पारस्परिक भाइचारा, प्रेम र सहिष्णुताको भावनालाई थप प्रगाढ बनाउने विश्वास व्यक्त गरे।
कार्यक्रमलाई सम्बोधन गर्दै विद्यालयका प्रधानाध्यापक प्रेमलाल सिंह सुवालले महान चाडपर्वले सम्पूर्ण नेपालीमाझ सुख, शान्ति, समृद्धि र उत्तरोत्तर प्रगतिको कामना व्यक्त गरे । उनले सांस्कृतिक पर्वहरूको संरक्षणमा विद्यालयले सधैँ जोड दिने बताउँदै विद्यार्थी, शिक्षक तथा अभिभावकहरूमा शुभकामना व्यक्त गरे । कार्यक्रमले सबैमा उत्सवको उमङ्ग छरेको थियो।
