पूर्वाञ्चल खबर
विराटनगर महानगरपालिका १० संसारीमाईस्थानबाट नेकपा कोशी अञ्चल ब्युरोले जुलुस निकालेर विराटनगर बजार परिक्रमा गर्दै बिरोध प्रर्दशन गरेको हो ।
जुलुसले निर्मालालाई न्याय दे, समाजबादी बैज्ञानिक समाजबाद स्थापना गरौ, संसदिय व्यवस्था मुर्दाबाद आदि नारा लगाए नगर परिक्रमा गरेका थिए । नारावाजी सहितको जुलुसले विराटनगर बजार परिक्रमा गरिसकेपछि चुलाचुली रोडमा कोणसभा आयोजना गरेको छ ।
प्रदर्शनमा गाउँगाउँबाट नेकपाका नेता कार्यकर्ता उपस्थित थिए । प्रदर्शनमा सहभागीले हत्याको घटना भएको लामो समय सम्म पनि दोषी पत्ता लाग्नु नसकेको भन्दै आपत्ति जनाएका छन् । उनीहरुले सरकारको गैर जिम्मेवारी पनकै कारण हत्यारा पत्ता लाग्न नसकेको भन्दै आक्रोस पोखे । विप्लव नेत्रृत्वको नेकपाले बढ्दो महँगी र भ्रष्टाचार अन्त्यको माग पनि गरेको छ । पार्टीले प्रदर्शन गर्ने पूर्वघोषित कार्यक्रम अनुसार प्रदेश १ को अस्थायी मुकाम विराटनगरको सुरक्षा व्यवस्था भने कडा पारिएको थियो । फोटो पुष्पराज थपलिया
