विश्वकप २०१८ को क्वाटरफाइनल खेलको रोचक भिडन्त आजदेखि सुरु हुँदै

खबर पूर्वाञ्चल, २२ असार २०७५, शुक्रबार ०८:३५

विराटनगर / रसियामा जारी विश्वकप २०१८ को क्वाटरफाइनल खेलको रोचक भिडन्त आजदेखि सुरु हुँदैछ ।
क्वार्टरफाइनलमा फ्रान्स, उरुग्वे, आयोजक रसिया, क्रोएसिया, ब्राजिल, बेल्जियम,स्विडेन र इंग्ल्याण्डले स्थान बनाएका छन् ।

क्वार्टरफाइनलको पहिलो खेल १९९८ को विश्वविजेता फ्रान्स र दुई पटक उपाधि उचालेको उरूग्वेबीच बीच हनेछ भने अन्तिम खेल रसिया र क्रोएसियाको खेल शनिबार हुनेछ ।

प्रि क्वार्टर फाइनलमा १९९८ को विश्वविजेता फ्रान्स २ पटकको विश्वविजेता अर्जेन्टनालाई ३ का विरूद्ध ४ गोलले पराजित गर्दै क्वार्टरफाइनलमा पुगेको हो भने उरूग्वेले क्रिस्टियानो रोनाल्डोको टोली पोर्चुगललाई २–१ गोलले पराजित गरि क्वाटरफाइनलको ढोका खोलेको हो ।

शुक्रबारै दिनको दोस्रो खेल पाँच पटकको विश्वविजेता ब्राजिल र बेल्जियमबीच हुँदैछ ।
प्रिक्वार्टर फाइनलमा ब्राजिलले मेक्सिकोलाई २–० गोल अन्तरले पराजित गरेको थियो भने बेल्जियमले एसियाली टोली जापानको चुनौती ३–२ गोलले पन्छेउँदै क्वाटरफाइनलको यात्रा तय गरेको हो ।

शनिबारको पहिलो खेल १९६६ को विश्वविजेता इंग्ल्याण्ड र स्विडेनबीच प्रतिस्पर्धा हुनेछ । इंग्ल्याण्डले कोलम्बियालाई पेनाल्टी सुटआउटमा ४–३ गोल अन्तरले पराजित गदै क्वार्टर फाइनल पुगेको हो भने स्विडेनले स्विट्जरल्याण्डलाई १–० गोलले पराजित गरि क्वाटरफाइनलमा २४ वर्षपछि प्रवेश गगरेको हो ।

त्यस्तै शनिबारै हुने अन्तिम क्वार्टर फाइनलमा खेल आयोजक रसिया र १९९८ विश्वकपको पहिलो सहभागिमै सेमिफाइनलमा पुगेको क्रोएशियाबीच हुनेछ । रसियाले २०१०को विश्वविजेता स्पेनलाई पेनाल्टी सुटआउट ४–३ को गोल अन्तरले स्तब्ध पारेर क्वार्टर फाइनल पुगेको थियो भने क्रोएशियाले डेनमार्कलाई पेनाल्टी सुटआउट ३–२ को गोल अन्तरले पराजित गरेको हो ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५