प्रदेश १ मा आज १० जना नयाँ कोरोनाका संक्रमित थपिए, संक्रमितको संख्या २ सय ५७

विराटनगर ३ की २२ बर्षीया महिलामा कोरोना संक्रमण पुष्टि भएको छ । उनी कालिमन्दिर धर्मशाला क्वारेन्टाईनमा रहेकी थिईन । सुनसरीको इनरुवाका २ जना २३ र २६ बर्षीय पुरुषमा कोरोना संक्रमण पुष्टि भएको हो । मोरङ रतुवामाई नगरपालिकाका १८ र १४ बर्षका दुई किशोरमा कोरोना संक्रमण पुष्टि भएको छ । उदयपुरका ३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

उदयपुरको बेलका नगरपालिकाका ३६ बर्षीय पुरुष र २७ बर्षीया महिला रहेका छन् भने चौदण्डीगढी नगरपालिकाका ३६ बर्षीय पुरुष रहेका छन् । झापाको अर्जुनधाराका २ जना २३ र २७ बर्षीय पुरुषमा कोरोना संक्रमण पुष्टि भएको छ ।