RUMPUM
animated ellipse animated ellipse

विराटनगर ८ मा मापदण्ड विपरितका संरचना हटाउन शुरु

KhabarPurwanchal-Logo

खबर पूर्वाञ्चल

२० कार्तिक २०७९, आईतवार २०:२२
1.21k
Shares
विराटनगर / विराटनगर ८ मा सडक मापदण्ड विपरितका संरचना हटाउन शुरु गरिएको छ ।

वडामा नयाँ जनप्रतिनिधि निर्वाचित भएर आएपछि सडक विस्तारको कार्य अघि बढाइएको वडाध्यक्ष राम पोखरेलले बताए । १० फिट चौडाईको बाँके बिहारी मार्गलाई नालासहित २० फिटमा स्तरोन्नति गर्ने तयारी रहेको वडाध्यक्ष पोखरेलले बताए ।

मापदण्ड अनुरुप सडक विस्तारका लागि हाल रेखाङ्कनभित्र परेका संरचनाहरू भत्काउने कार्य शुरु गरिएको वडाध्यक्ष पोखरेलले बताउए । उनका अनुसार मापदण्ड विपरितका संरचना हटाए सँगै एक महिनाभित्र सडक कालोपत्रे गरिसक्ने तयारीका काम अघि बढेको छ । वडा कार्यालयले कालोपत्रेका काम शुरु गरेपछि वडावासी पनि उत्साहित भएका छन् ।

आइतबारदेखि १२० मिटर लम्बाईको उक्त बाटो फराकिलो गरेर कालोपत्रेको काम सुरु पनि भएको छ । जय नेपाल मार्ग शाखा बाके बिहारी मार्ग जोड्ने बाटो विगत लामो समयदेखि मापदण्ड विपरितका संरचना कायम रहँदा सडकस्तरोन्नती हुन सकेको थिएन । १२० मिटर लम्बाईको बाटो कालोपत्रे गर्ने जिम्मा भने सुमिसा निमार्ण सेवा विराटनगरले लिएको छ ।

निमार्ण कम्पनीले कुल ४३ लाखको बजेटमा वडा नं. ५, ६, ७ र ८ को विभिन्न चारवटा प्याकेजमा काम गरिरहेको छ ।
नाला निमार्णका लागि वडा कार्यालयबाट १० लाख र सडक कालोपत्रेका लागि महानगरको सडक बोर्डबाट ७ लाख बजेट विनियोजन गरिएको वडाध्यक्ष पोखरेलले बताए ।

सडक स्तरोन्नती नहुँदा खाल्डाखुल्डीका कारण सवारी दुर्घटनाको जोखिम तथा वर्षायाममा सडकमा पानी जम्दा आवतजावतमा समेत समस्या हुने गरेको उनले बताए ।

 

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

फोटो फिचर