पेनाल्टी सुटआउटमा स्पेनलाई स्पब्ध पार्दै आयोजक रसिया विश्वकपको अन्तिम आठमा प्रवेश

खबर पूर्वाञ्चल, १७ असार २०७५, आईतवार २२:४६

विराटनगर / पेनाल्टी सुटआउटमा स्पेनलाई स्पब्ध पार्दै आयोजक रसिया विश्वकप फुटबलको अन्तिम आठमा प्रवेश गरेको छ ।

आज भएको खेलमा रसियाले सन २०१० को विश्व विजेता स्पेनलाई पेनाल्टी सुटआउटमा ४–३ को गोल अन्तरले पराजित गरि अन्तिम आठमा प्रवेश गरेको हो ।
निर्धारित ९० मिनेटमा दुवै टिमले १–१ गोलको बराबरी भएपछि खेल थप ३० मिनेटसम्म खेलाइएको थियो । तर अतिरिक्त समयमा पनि दुवै टिमले गोल गर्न नसकेपछी खेलको छिनोफानो पेनाल्टी सुटआउटबाट गरिएको हो ।

पेनाल्टी सुटआउटमा स्पेनका लागि आन्द्रेस इनिस्टा, जेरार्ड पिके र सर्जियो रामोसले गोल गर भने कोके र इस्पासका प्रहारलाई रसियाका गोलकिपरले बचाए ।

रसियाका स्मोलोभ, सेर्जेइ इंग्नासेभिच, गोलोभिन र चेरिसेभको गोल गरेका थिए ।
खेलको १२ औं मिनेटमा रसियाका सेर्गी इगन्सचेविकको आत्माघाती गोलमा स्पेनले अग्रता लियो । उनले डी एरियामा क्लियर गर्न लागेको बल सिधै गोलपोस्टभित्र छिरेपछि स्पेन १–० ले अग्रता लिने अवसर पायो ।

रसियालाई खेलमा फर्किन ४१ औ मिनेटको रसियाका आर्तेन डेजुबाले पेनाल्टीमार्फत गोल गर्दै १–१ को अवस्थामा पुग्यो । स्पेनका जेरार्ड पिकेले आफ्नै डिबक्सभित्र हेड गर्ने क्रममा हालले बल छोएपछि रेफ्रीले पेनाल्टी दिने निर्णय गरेका थिए ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५