पूर्वाञ्चल खबर
सामाजिक विकास मन्त्रालय प्रदेश १, करुणा फाउन्डेसन नेपाल र विराटनगर महानगरपालिकाको आयोजनामा जन्मदोष पहिचानको लागि नर्सिङ कर्मचारीहरुलाई भएको अभिमुखीकरण कार्यक्रममा विराटनगर महानगरपालिका अन्र्तगत रहेका १९ वटै स्वास्थ्य संस्थाका २० जना को सहभागिता रहेको करुणा फाउण्डेसनका कार्यक्रम अधिकृत राजिवकुमार चौधरीले बताए ।
अभिमुखीकरण पछि जन्मदोष पहिचान गर्न नर्सिङ कर्मचारीहरु सक्षम हुने सामाजिक विकास मन्त्रालयका स्वास्थ्य महाशाखा प्रमुख तथा प्रदेश स्वास्थ्य निर्देशनालयका प्रमुख ज्ञाबहादुर वस्नेतले विश्वास व्यक्त गरे । अभिमुखीकरण कार्यक्रमको समापन कार्यक्रममा उहाँले अपाङ्गता रोकथाम तथा पुर्नस्थापना कार्यक्रमका लागि मन्त्रालयले करुणा फाउण्डेसनसँगको सहकार्यमा कार्यक्रमहरु अघि बढाईएको बताए ।
करुणा फाउन्डेसनले यसअघि रतुवामाई, सुनबर्षी, धनपालथान, रंगेली, जहदा, कटहरी र बुढीगंगामा जन्मदोष पहिचानको लागि नर्सिङ कर्मचारीहरुलाई अभिमुखीकरण दिईसकिएको कार्यक्रम अधिकृत चौधरीले बताए ।
